Temu Pisah Pendeta Ressort

Pada Hari Minggu, 17 Oktober 2010, telah diadakan Serah Terima Jabatan (Sertijab) Pendeta Ressort di HKBP Ressort Dolok Nauli. Pdt. Lerik Jon Panjaitan, STh (yang melayani selama 5 tahun 6 bulan) di HKBP Ress. Dolok Nauli kemudian akan dilanjutkan pelayan yang baru, yaitu inang Pdt. Chandra Simanjuntak, STh. Kemudian Pdt. Panjaitan aka pindah ke HKBP Ressort Kota Batak Distrik Riau untuk melanjutkan pelayanan Pdt. Jhon Vetra Simatupang, STh.
Acara kebaktian serah terima dilayankan oleh Inang Praeses, Pdt. Debora Purada Sinaga, MTh (praeses perempuan pertama di HKBP). Pada acara kebaktian ini berlangsung dengan khidmat dan berjalan dengan baik. Kemudian dilanjutkan dengan Resepsi Perpisahan, dengan Makan Bersama. Cucuran air mata melepaskan pendeta Ressort yang akan berangkat, terjadi dengan spontan di dalam keharuan, yang selama ini dirasakan sebagai buah dari pelayanan yang menyentuh yang selama ini telah dilayankan. Harapan ke depan Tuhan memberkati seluruh jemaat HKBP di HKBP Ressort Dolok Nauli. Tuhan memberkati.

Memang !

Memang !

Anggukan Jiwa

Sebuah Tantangan Hidup

" Manusia hidup tentunya tidak terlepas dari pengaruh serta peran sesamanya manusia. Apakah itu pengaruh yang baik, hal ini disyukuri, tetapi terkadang pengaruh yang buruk, yang kurang baik, juga serta merta mengambil posisi di dalam kehidupan tersebut. Sehingga sebagai manusia sosial, seseorang manusia itu harus mampu dan memang semestinya mampu untuk memahami fenomena "pengaruh" tersebut. Apakah itu menjadi acuan berpikir atau pun mungkin menjadi hambatan atau tantangan yang harus disyukuri."

SELAMAT MEMAHAMI DIRI !

SELAMAT !

Kami Pendeta HKBP Ressort Dolok Nauli, atas nama Keluarga dan Majelis se-HKBP Ressort Dolok Nauli, mengucapkan :

SELAMAT ADVENT !

SELAMAT NATAL, 25 - 26 DESEMBER 2009
&
SELAMAT TAHUN BARU, 01-02 JANUARI 2010

kepada :
Seluruh Umat ALLAH di dunia maya ini.

Kiranya Tuhan Memberkati dan beserta kita semua !

S Y A L O M

Pdt. Lerik Jon Panjaitan, STh
Hanna Elisabeth Sormin
Frisckilia Magdalena Kezia Panjaitan
Rut Naomi Passiona Panjaitan
Hesekiel Domine Kordias Panjaitan

Partangiangan Ganup Ari Edisi Desember 2009

01 Desember 2009
PSALM 71 : 5
Ai Ho do pangkirimonku, ale Tuhan Jahowa, nalom ni rohangku sian sietehetehonku.
HATORANGAN :
Ndang hea malum ngolunta sian biar ni roha. Mabiar do hita uju tapaborhat ianakhonta marsikkola tu perguruan tinggi, aha ma tagamon bahenonta balanjona. Mabiar do angka ianakhon naung tammat sian parsikolaan na molo so boi ibana melanjut dohot dapot karejo. Mabiar do hita mamingkiri aha ma tagamon panganonta ganup ari, molo so tontu parkarejoanta. Tagamon godang dope na mambahen mabiar ngolunta. Alai sungkun-sungkun tu hita saluhutna, molo masa i saluhut na tagamon tu ise do hita mangido pangurupion dohot marpangkirimon.
Molo si David uju mangadopi musuna, angka parjahat dohot na mangasahon gogona, maporus do ibana holan tu Debata. Ai dihaposi ibana paboa holan Debata do na boi mangurupi ibana. Pangkirimon ni si David ima pangkirimon na mangolu do, ido umbahen dihatindanghon ibana marhite na mandok “Ho do pangkirimonku, ale Tuhan Jahowa”, huhut nalom ni rohangku sian siete-etehonku. Ndada uju masa angka pangunjunani ibana marpangkirimon tu Debata, alai didok do mulai sian siete-etehonku (sejak masa muda) nunga ditanda ibana Debata.
Asa marhite turpuk on tarjou do angka na porsea tu Ibana, naeng tongtong marpangkirimon holan tu Debata. Ai holan Ibana do na tuk paluahon hita sian ragam ni angka na boi mambahen hita mabiar di portibi on. Jala ingot ma halak na marpangkirimon tu Jahowa Debata ndang tagamon humordit ibana, ndang tagamon tinggang, jala porsea do ibana songon na tarsurat di Lukas 1 : 37 “Ndang adong naso tarpatupa Debata. Sai na lehonon ni Debata do angka na ringkot di ngolunta, ai Ibana do nampuna hita jala holan Ibana do mangantusi aha na ringkot di hita. Amen

02 Desember 2009
TURPUK : JESAYA 55 : 3
Tarehon hamu ma pinggolmuna, jala ro ma hamu tu ahu! Tangihon hamu ma, asa mangolu tondimuna i! Jadi bahenonku ma tu hamu padan salelenglelengna: I ma padan parasian na sintong i tu si Daud na so tupa muba.
HATORANGAN :
Dipartingkian na lam tu maol na tahilala mangalului angka pandaraman dohot ngolu siganup ari, sipata nunga holang hita sian Debata. Sai holan na mangasahon gogo dohot pingkiran ma hita, hape tong do ndang jumpang na jinalahan dohot na ni luluan, ujung na marsak jala sai susa ma pingkiranta. Ndang adong be semangat di hita laho mangula angka ulaon suang songoni nang laho marsaor dohot Ibana. Sai tarimpu do na diportibi on boi pasonangkon ngolunta.
Alani ma marhite ayat on tabege do soara ni Tuhan i na manjou hita, asa ro hita tu Ibana, joujou na mansai lambok begeon ni sipareonta. Jala tangkas do didok manang ise na olo mangoloi jou-jou na adong dua bagian baga-baga pinasahatNa. Parjolo : Asa mangolu tondimuna (kamu akan hidup). Paduahon : BahenonNa ma padan salelenglelengna, ima padan parasian. Dilehon Debata tu hita na rumingkot sian arta na diportibi on ima hangoluan, na salelenglelengna.
Boha do hita mangoloi joujou na i ! Tagamon do marsiadu hita ro tu Ibana manang paula so tabege do. Alai taingot ma manang ise na rade mangoloi joujou i ndang marisuang haroroNa, alai dapotan las ni roha do ibana. Godang do diportibi on na boi mangalalapi hita gabe ndang tabege soaraNa laho manjou hita, ima hinorhon ni angka kesibukan, parungkilon, parsahiton. Alai halak naung manghaporseai Tuhan dibagasan ngoluna sai tingil do sipareon na managihon soara joujou ni Tuhan i.Antong tahangoluhon ma hata ni Ende No. 178 : 1 “Ro ma tu Jesus, ro ma tibu bege hataNa jangkon burju …………Amen

03 Desember 2009
TURPUK : PSALM 34 : 5
Hulului do Jahowa, jadi dialusi ahu, jala dipalua ahu sian angka hagogotanku sudena.
HATORANGAN :
Dihatindanghon sada ina do na hea malua ibana sian parmaraan, tongon tingki tabrakan mobil nasida. Dung malum ibana sian rumah sakit jala mulak tu jabu. Tung tangkas do dihatindanghon ibana tu angka donganna na ro mandulo ibana i, paboa holan Jahowa do na paluahon ibana sian parmaraan bolon i. Ai joujou do au tongon masa kecelakaan i, jala tangkas do huhilala na dialusi Debata do joujoungki ninna ibana. Suang songoni do panindangion ni par-psalm on, na Debata do paluahon ibana sian hagogotan, gabe boi ibana marolopolop jala marlas ni roha. Di hita saluhut na ra jotjot do hita malua sian hagogotan, sian parmaraan, malum sian parsahiton, tagamon parsidohot do hita manghatindanghon na ditangihon jala dialusi Debata do i saluhutna. Suraon do ndang tatanda paboa na Debata do na paluahon hita. Nunga godang jolma i dipartingkian on nuaeng naso mananda na pinatupa ni Debata di ngoluna, tarida doi sienna lam godang jolma i mandao sian par-Mingguan, partangiangan.
Alani dijouhon turpuk on do tu hita saluhutna asa tatanda na pinatupa ni Debata di ngolunta, jala tama hita mandok mauliate tu Ibana. Debata do silehon haluaon, ibana do na mangurupi; tung pe sipata tahilala adong pangurupion sian portibi on alai parsatongkinan do i. Holong do roha ni Debata tu angka na mangihuthon ibana, songon holong ni sahalak Ina di ianakhon na. Ndang hea dipasombu sahalak Ina ianakhon na dibagasan hasusaan, alai diompa, diabing, diusung, diparmudu do sahat tu na magodang. Lobi sian ima holong ni Debata tu jolma i, dipalua hita sian hamatean, ala dosa. Antong tapuji jala tahatindanghon ma ibana ganup ari di ngolunta on. Amen

04 Desember 2009.
TURPUK : JEREMIA 30 : 22
Jadi ingkon hamu gabe bangsongku, jala ahu gabe Debatamuna
HATORANGAN :
Somalna hata proklamasi, jolma sandiri do na patupahon, alai lam tangkas do nasida satahi saoloan. Proklamasi tangkas na paradehon diri berjuang alai tutu di haporseai Jahowa do namangurupi, alai tarbalikdo na pinatangkas ni Tuhanta marhite turpukhon, dipatangkas dang jolma na berjuang alai baliksa Tuhan sandiri do na bertindak langsung mandok ingkon hamu gabe bangsongKu.Ndang adong na asing sian hamu, tampa melihat latar belakang anda, siapapun anda Dia akan menemani, memperlengkapi dan menyiapkan, anda hanya setia dan tunduk pada pemanggilanNya.
Mansai uli do hata on alai mansai marungkil do hita marsaulihonsa, boasa, ala sahit do dihita jolma laho mamillit naingkon dumenggan do dihita, biar pe sipanganon, nang angka na asing pe, hape Debata mandok hamu jala ingkon gabe bangsona, luar biasa, dipapita pe songoni asa patangkashon panandaionna do di jolma natinompanai, anggo so Tuhan sandiri namangulahon tontu dang manjadi di ngoluni jolma.
Amang, Inang, Napinaribot boha do hita laho patulushonon, sipata sai loja do hita marungkil asa jolma haposan hita, alai nuaeng di buka Tuhani sandiri pintu i mandok ingkon, namarlapatan ndang boi dang ingkon bangsona do hita, boha do amang, inang, ito pasombuonta do kesempatan nauli on gabe ambolong manang margogo do hita asa dohot taruli disi…? Amen.

05 Desember 2009
TURPUK : PSALM 65 : 5
Tung na songkal do pangalusim tu hami di bagasan hatigoran, ale Debata ni hatuaonnami, haposan ni saluhut ujung ni tano on dohot laut, angka na dao i.

HATORANGAN :
Taon baru huria nunga sahat tu ngolunta, tontu sahali tapanghilalahon do pandonganion ni Debata di ngolunta, taingot do jojor di minggu na salpu di jahahon angka naung monding jumolo sian hita dung taboto saluhutna ra sungkunsungkun do rohanta, adong do donganta i naposo, namatua, adong do monding ala parsahiton, kecelakaan, bencana alam.
Sian i marguna do tu hita laho paradehon ngolunta dung sahat taon baru huria on, hape tabolus do rura, laut, sunge nang angka pardalanan darat manang udara, alai tapangkilalahon do basa ni Jahowa mangurupi dohot margogoihon hita, sasintongna naung adil do Tuhan i tu hita, na so adong do dosanta…? Antong masa na masai saluhutna aha do nanaeng hatindanghononta..?
Mulak ma antusanta hasongkalon ni Jahowa mangalusi hita di situasi ni politik, parngoluon nang saluhut na masa tahe na so adong na manontong di portibi on, na so adong na tingkos di tano on, situasi parngoluan na mubauba, situasi politik na mambahen hita tarunjun jala mandele, na deba laos so parduli be na adong do Tuhanna na ingkon tigor, adil mangalusi hita.
Diangka dongan na saonari mangadopi persoalan pe gok do gabe mangalualu tu na so patut nian pangalualuan, ai gabe patubu persoalan na imbaru jala na lobi borat do dung mangalualu ibana antong boha nama…? Loja do hita dung mansai rundut angka persoalan i baru pe ro hita tu adopan ni Debata jala mandok urupi au.... ?! Amen.

06 Desember 2009
TURPUK : PANGUNGKAPON 2 : 10C
Sai burju ma ho rasirasa mate; dung i lehononku ma tu ho tumpal hangoluan i!

HATORANGAN :
Sega…sega, manang botot botot ninna sahalak na topet marbeca, dung habegean suara i godang do angka dakdanak marroan, adong mamboan angka plastic bekas, ember na sega, dohot sude tahe angka barang naung sega, olo ma parbotot i manganti barang na sega i dohot es manang hepeng, tung riburma tahe idaon. Dung simpul saluhutna i ro ma muse pengusaha, sude barang na sega i dilala, didaur ulang ma, gabe ro ma angka plastic na imbaru, ember, karosi, meja sandok angka alat na imbaru ma tahe, sian na sega i dung dipature gabe arga ma muse, mulak gabe imbaru denggan ma boi pangkeon hombar tu angka ringkotna be. Manaili ma muse hita tu parngoluon on, proses asa unang daur ulang do hita umbahen na didok dison sai burju rasirasa mate, ndang adong pangkeon saotik pe sian basa ni Debata so burju. Boasa songon i, anggo plastik, bosi na asing tahe boi do daur ulang alai anggo jolma ndang boi daur ulang i do umbahen sahat tu sadari on ndang hea langku jolma na sega, torus do jolma na langku diparkarejoan, di angka na asing pe angka jolma na burju do. Lehonongku ma tu ho tumpal hangoluan, mahkota kehidupan, loja do jolma mangalului mahkota manang tumpal harajaon, tumpal hasangapon, tumpal diangka ulaon na asing alai tung otik do jolma mangalului tumpal hangoluan. Alani tung taboto do ndang boi jolma i hona daur ulang alai tung tangkas do hata ni Tuhan on boi mendaur ulang ngolunta, asa lam taeahi, asa lam taharingkothon panjouon sian Debata, sai burju ma ho rasi rasa mate, unang burju satongkin, manang dipaula burju, alai sian roha parbogasonma ala naung jumolo Tuhan burju tu hita. Amen.

07 Desember 2009
TURPUK : JESAYA 52 ; 7
Lehetna i di atas ni angka dolok angka pat ni parbarita na uli, na patubegehon hadameon, na mamaritahon barita na uli, na patubegehon hatuaon, na mandok tu Sion: Debatam do bangkit Raja
HATORANGAN :
Ayat on disurathon lobi dua ribu onom ratus taon na salpu, hatiha tekhnologi komunikasi ndang dope dijumpangi. Alai atik pe songon i, hatiha masa ni ayat on ditulis, nunga tung tangkas situtu angka media komunikasi, barita las ni roha manang arsak ni roha, dihaporluhon ima marhite gogo ni kurir manang halak siboan barita na mardalan pat manang marhoda sian sada inganan tu inganan na asing. Songon i ma gambaran ni panurirang Jesaya hatiha pasahathon barita las ni roha on tu bangso Israel na tongon dope di habuangan Babel. Barita las ni roha na pinabotohonna ima Barita naeng malua ma bangso i sian linggoman ni habuangan i.
Nuaeng hita na mangolu di jaman on, na naung lam torop media komunikasi, isarani telepon, HP, televisi, internet, koran, tontu naeng tangkas tabaritahon barita las ni roha i, songon pangalaho ni panurirang Jesaya di turpuk on. Tarlumobi rupani, tongtong do dipangke Debata media komunikasi i laho pabotohon tu angka jolma na porsea di Ibana, barita haluaon i. Na sipata, ndang talehon roha dohot pingkiranta laho umbegesa. Antong barita las ni roha di minggu-minggu panomunomuon on, mingu advent on, naeng ma tapatinggil sipareonta jala tabuka ma rohanta asa barita haluaon na naeng sipasahaton ni Debata i, boi tolap hita tumangihonsa. Ai tu haluaonta do i, jala manghorhon tu denggan ni pardalan ni ngolunta do i. Taparade ma roha dohot pingkiranta. Amen.

08 Desember 2009
TURPUK : JESAYA 40 : 26
Manaili ma matamuna dompak ginjang, jala ida hamu, tung ise ma na manompa angka i? Tung ise ma paruar parangannasida marbilangan? Ibana tahe manjou luhutna i di goarna be, marguru tu hinagodang ni gogona, jala ibana do na sun hinagogo, ndang tagamon lilis nanggo sada.
HATORANGAN :
Bangso ni Debata, bangso Israel, tongon dope di habuangan Babel. Jerusalem dohot Bagas Joro dirosakkhon jala angka bangso Israel diboan tu Tano Babel. Magopo do bangso i, ndada holan, politik, ekonomi na marongso, alai dohot tatanan sosial, adat budaya tarlumobi parugamoon nasida. Di bangso i, on ma “titik nadir” manang “titik terendah” di parngoluonnasida. Bangso ni Debata manghilalahon bangso na dibuang, sahalakna jala agoan di sasude, tarlumobi ma i, magoan Debata Sipanompa i nasida. Marnida hasusaon dohot panghilalaan ni bangso i, Debata marsuru panurirangNa, Jesaya, asa pabotohon asa unang mandele jala manarita nasida, ai saluhutna i, dalan ni Debata do patuduhon holongNa asa tung maruba nasida sian pangalaho na so hinalomohonNa. n pos ni roha nang asi ni roha ni Debata.
Mamereng partingkianta dohot situasi ni zaman nuaeng on, na boi godang manait hita tu ngolu na patubu pandelean dohot patubu angka roha na stress, tarlumobi ma i ala ni ekonomi. Alani ima marhite turpuk on, naeng tangkas rupani idaonta i songon angka na porsea di Tuhani, ndang pintor mandele manang tahuton n akhirnya patubu hagangguon di holong ni roha ni Debata. Naeng tangkas marhite turpuk on, asa angka na masa i gabe patubu semangatta huhut patuduhon haporseaonta asa lam tang jala margogo, ala saluhut nasa i adong do sangkap ni Debata na balga sipasahatonNa tu hita. Tahirim ma. Amen

09 Desember 2009
TURPUK : LUKAS 21 : 27
Dung i idaonnasida ma Anak ni jolma i ro marhitehon ombun mantat huaso dohot hasangapon godang
HATORANGAN :
Sude do na porsea jala na manghirim di Tuhan i, dibagasan mingguminggu on, rade manghirim di inganan parjambaranta i, ima surgo na pinarade ni Tuhan i. Alani i do, tingki on dohot tu tingki di jolo pe, sai naeng tangkas hita mangarade huhut mardalan tu sada dalan hangoluan sisaleng nilelengna. Jala dalan i ndang dalan na mura, dalan na mulus, alai dalan laho tu sambulo ni tondinta i, ima dalan na gok hamaolon, dalan na gok parungkilon, dalan na gok hasusaan, ala dalan na tahirim i, dalan hasonangan na manontong do. Alani i do ndang mura, ndang mulus laho tu si, alai ingkon tangkas do mangigil perjuangan, partontangan. Marhite i naeng tangkas mamodahon tu hita angka na porsea di Ibana, so tung gabe marsak jala mandele hita molo ingkon marungkil jala mangadapi godang hasusaan ni angka na porsea hatiha mangulahon uhum dohot Hata ni Tuhan i. Ndang marisuang i saluhutna, ala dibagabagahon do tu hita, angka na tahirim i molo dung tau jala tolap hita satongkin manaon di portibi na mangilas on. Hata ni Tuhan i naeng ma tangkas jala jamot tatiop asa tolap hita mangarade huhut manomu inganan sihirimon ni angka na porsea di Tuhan i. Alani ma di partingkianta na nuaeng on, jamot jala rade ma hita mangulahon HataNa, asa tung tau hita mandai huhut marnida inganan sambulo ni tondinta i. Amen.

10 Desember 2009
TURPUK : JESAYA 35 : 10
Jadi mulak ma sogot halak angka na pinalua ni Jahowa, jala mariaia ro tu Sion; jala halalas ni roha salelenglelengna di atas ulunasida, dapotan hilas dohot las ni roha nasida, alai maporus ma anggo arsak dohot hoihoi.
HATORANGAN :
Jaman na gok hamaolon do na sonson diadopanta nuaeng, angka ngolu na lam rarat angka na pogos, godang angka dakdanak na so boi be marsingkola alani sinadongan, lam tamba do rupani keluarga na ingkon marsirang manang na sega (broken home), lam rarat hasesega ni alam portibi on, panggosagosa tu angka dakdanak, angka parompuan, angka na pogos sahali, dungi ekonomi kapitalis na lam rarat laho mensegai ngolu ekonomi ni jolma. Tasadari do i, masa di ngolunta on? Sadarkah kita bahwa Yesus yang hidup, sengsara dan wafat bagi kita, pada saat ini juga mengajak kita bangkit dan berbuat bagi sesama dan seluruh ciptaan-Nya. Dan Ia mengajak kita untuk mulai dari hal yang sederhana.
Songon i ma turpuk on naeng tangka mangarahon hita, asa ngolunta di godang hamaolon (jaha habuangan) i, ditogihon do hita mangarajumi Barita Las ni roha na naeng ampe tu tongatonga ni ngolunta pinarbaga ni Tuhan i. Alai adong naimbaru naeng radop taantusi ima las ni roha i boi masa do alani pambahenan ni ganup halak na porsea di Ibana, dipatau Debata do hita na mangarajumi haporseaonta di Tuhan Jesus Kristus di zaman on, gabe ulaulaNa laho patupahon barita haluaon i tu ganup bangso dohot houm di tongatonga ni portibi on. Alani asa tau hita gabe ulaulaNa na denggan, habaoron sangkap ni Debata, tapadao ma ulaon haholomon alai manjonok ma hita tu ulaon hatiuron. Na ujung, songon mingguminggu advent minggu on, sanggup ma hita manomu Ibana tangkas di ngolunta si saleleng ni lelengna i. Amen.

11 Desember 2009
TURPUK : MATEUS 21 : 9
Alai sude natorop i, angka na di jolona nang na mangihut sian pudi pe, mangolopolophon: Hosianna di Anak ni raja Daud! Pinasupasu ma na ro marhitehite Goar ni Tuhan i! Hosianna ma di ginjang!
HATORANGAN :
Hosianna marlapatan : sai lehon ma di hami hatuaon (Psalm 118:25-26). Marhite pandohan i, tangkas do diparhatopot situan natorop, ia Jesus, Mesias na pinaimaima i, Ibana do Raja na tutu situtu, siboan jala silehon haluaon. Diokui jala dihatindanghon nasida do Ibana do Tuhan i. Pandohan Hosianna, boi ma dohonon songon sada bentuk seruan di tingki sinuaeng on “Hidup Anak Daud”. Nunga gok be bagabaga na di padan na robi i di bagasan diri ni Tuhan Jesus Kristus, Ibana do Raja na ingkon sioloanta.
Ditongatonga ni ngolunta, lumobi ma di na manomunomu di mingguminggu advent on, naeng sude hita marolopolop manomunomu dohot manjanghon Tuhanta i. Naeng sude hita patujolohon olopolopta manjouhon “Hosianna ma di Tuhan Jesus Kristus”. So tung gabe sundat hita marolopolop hinorhon ni angka na manosak parngoluon, so tung gabe sundat hita marolopolop hinorhon ni angka na ringkot di ngolu siganup ari. So tung sundat hita marolopolop ala ni na hurang sipanganon manang siinumon, manang ala ni dipabenda Tuhan i pangurupionNa tu ngolunta. Ala molo dung ro na tahirim i, olopolop na so hasuhatan do jambarta. Alani marhite on, tangkas ma tapalendes, tapalentes marhite haporseaon dohot pambahenanta songon angka na porsea jala na manghirim asi ni roha ni Tuhan i, dalan di haroroNa tu ngolunta. Asa arakarak ni parbanua ginjang i, boi tangkas taulahon huhut tahangoluhon. Margogo ma hita. Amen.

12 Desember 2009
TURPUK : LUKAS 21 : 19
Marhitehite benget ni roha do malua hosamuna
HATORANGAN :
Seberat apapun perjalanan kita, kita tidak akan pernah sendirian. Setiap kita dicintai-Nya apa adanya. Setiap kita berharga dimata-Nya. Semua peristiwa dan pengalaman hidup dipergunakan oleh Tuhan untuk mengantar kita bersatu dengan-Nya. Banyak dari kita takut dan menghindari kesepian, kesendirian, ketidakpastian, dan keterbatasan. Kalau saja kita sejenak mau tinggal dalam semua situasi itu, kita akan menemukan Sang Tak Terbatas. Kalau saja kita sejenak mau diam dan mendengarkan situasi itu, kita akan menemukan bahwa kita sedang dibimbing untuk mengenal diri, diri yang dicintai-Nya apa adanya.
Marhite turpuk on, naeng tangkas idaonta molo benget rohanta di ngolu on, gabe jumpang do di hita hatauon. Hatauon i manghorhon panghirimon, jala panghirimon i ndang na murak (siasia, marisuang) (pat. Rom 5 : 3 – 5). Adong do sada pandohan na mandok “winners never quit, quitters never win” (lapatanna “angka jolma na marhasil ndang hea i olo talu, jala jolma na talu, ndang hea i boi gabe monang”) (pat. Jak. 1 : 2 – 3). Habengeton ni sada ianakhon marsiajar, atik pe ingkon mamolus ragam ni angka ujian, i do na pataruhon ibana boi wisuda. Habengeton ni sada ama manang ina mangula hauma manang ladangna di huta, agan pe hurang napu tanona, alai sai dinunuti manggisgis huhut mangombak, marsuan dohot marbabo, ujungna sahat tu na manabi eme. Martua ma nasida jala sonan, ai manggotil ma nasida di tingkina. On ma naeng tangkas ulahonta di tongatonga ni haporseaonta di sude zaman dohot tingki, ala saluhutna denggan do tingkina. Amen.

13 Desember 2009
TURPUK : PODA 17 : 5
Manang ise na mangelak halak na pogos, i ma na manginsahi Sitompa ibana, manang ise na martillahon jea ni donganna jolma, ndang tagamon lias sian uhum.

HATORANGAN :
Some people think, our belief has to do only with God and with heaven, with eternal life and personal salvation. The word for today brings the idea of heaven to earth, lets us look unto the floor around us, moves our eyes from the stars far away into the mud of our daily life, into the face of our neighbour or our colleague or our family member - struggling for life, with a heart full of sorrows, in a difficult economic situation, whatever it may be. Who in my surroundings is "the poor"? He or she is the proof of my belief, is the challenge of my faith. She or he is a sign of God for today. If I look aside I contempt the creator, if I mock about the other one or about the situation and about what has led into it, I betray the saviour. What can I do instead? First: I don't turn away. I dare to stand the situation. I see clearly what is happening. Second: I open myself. What is going on with the other one? How must he feel in this situation? I begin to be touched. Third: I try one step. My first step towards the other one being so poor. Perhaps I visit someone and have time to hear his/ her sorrows. Perhaps I can ask someone to hear and to help. Perhaps it's me who is demanded: with my heart, with some goods, with practical help, with money. Only today I will not mock the poor who is so near to me. Just this day I will not contempt his and her and my creator. During these 24 hours I try not to run away, to feel what it means to be like that and to do one little step of help. Doing this my belief I will not be alone. I will be near to God, who has come so near to earth in the poor little baby of Bethlehem. Let us search for God in the mud. There he will be nearer to me than my own skin. (Terjemahan Bebas)
Torop do jolma mangarajumi ia haporseaon i holan tu Debata, tu surgo dohot hangoluan na saleleng ni lelengna. Alai turpuk sadari on mengalehon sada pangantusion, diado surgo di portibi on, ima marhite na marnida angka na masa di humaliangta na jonok, di ngoluna na porsuk ima marhite na marnida hombar jabu manang dongan sapunguan na marungkil situtu di tongatonga ni ngolu on, isarana hamaolon ni ekonomi, marhite ragam na mambahensa. Songon dia do halak “na pogos” di tongatonganku? Ima bukti dohot tantangan ni haporseoanku. Ima naeng tangkas patuduhon ni Debata di ngolungku sadari on. Molo huida na di humaliangki jala hulesengi dongan di kondisi i ngolu na marpogos i, olo do gabe huinsahi na manompa i, jala hujehehon sipalua i.Alani aha ma naeng sihobasanku? Parjolo: Ndang pasombuonku be, alai tangkas ma hurajumi jala hupamanat aha do mambahen i masa. Paduahon: Mangalehon roha marnida aha jala boasa i masa, dung i dohot ma manghilalahonsa. Patoluhon: Huusahahon ma sada langka, langkaku na parjolo ima marnida sada sian na umpogos, boi do i marhite na mandulo manang umbege aha sitaononna, manang hupangido halak na asing manang ahu pe taho, asa boi mangurupisa dohot tangkas, jala dihilala panghorhonna. Alani i boi ma ahu ndang manginsahi dohot manjehehon Panompa dohot Sipalua i, ai ahu dohot angka dongan na porsea i do hape dipangke Debata laho mangurupisa. Jala saleleng 24 jom dibagasan sadari, ndang pe huinsahi dohot hejehon angka na pogos di na humaliangku, jala huantusi ma Jesus (posoposo) na pogos na tubu di Betlehem i. Alani ma talului jala tapangido ma gogo sian Debata, asa tung boi hita mangurupi na humaliang hita. Ai jonok do Debata diangka sisongon i, garida unjonok sian diringku sandiri. Amen.

14 Desember 2009
TURPUK : LUKAS 21 : 33
Salpu pe sogot langit dohot tano on, anggo hatangki na so tupa salpu!

HATORANGAN :
In the beginning God made heaven and earth. This is the foundation of life on which everything can grow and survive. This is the beginning in which I can trust, because God created heaven and earth and every living being through his word. All is made through God and he saw that it was very good. But there are experiences in life when you start to think that everything is falling apart. There is sickness and death where no healing was possible. The earth is shaking or floods are destroying life. People have to start from the beginning. But their feeling is: heaven and earth are breaking down, life is destroyed. Will there be any future? Many of us have made such experience in one or another way, some have been hit much harder than others. It was hardly possible to comfort them. Jesus says: look at the signs I give you. Look at the rainbow, sign of new life after the big flood. Promise of God not to destroy heaven and earth any more. He says: look at nature which gives signs always, look at the fig tree and at all trees. “When they sprout leaves, you can see yourself and know that the summer is near.” (Luke 21: 29-31) All these signs can help you to understand that the kingdom of God is near. He himself is near to all people, especially to those you suffer and are in sorrow. He comforts people with his presence. But Jesus even goes one step further. Even if we see the signs, if we understand the words, we may still not believe, because everything is falling apart. Heaven and earth seem to collapse. The whole foundation of my life is trembling. Jesus says: do not be afraid, I am near. In all these experiences you can trust my words. Even if all signs fail, my words will never pass away. You can trust my love. Today and everyday of your life.
Dimulana i ditompa Debata langit dohot tano, On do dasor ni parmulaan ni ngolu na mambahen lam magodang jala manongtong. I do na parjolo sahali na huhaporsea i, holan marhite Hata-Na manompa langit dohot tano nang sude na manggulmit. Jala dung ditompa Debata sasude na i jala dibereng tung mansai uli saluhut na tinompaNa i. Alai godang do di ngolu on, na boi mambahen hita marungkil. Adong ma i sahit dohot hamatean, na so mungkin tarubatan. Adong ma i na mambahen gabe sega hangoluon di portibi on. Jala laho paturehon i, ingkon dibuhai na ma sian mulana. Boha ma cara na? Alani hasusaan dohot hasesega ni portibi on, tubu ma pingkiran : Adong dope ari sogot? Alai godang do na mambahen lobi sian sada cara manang cara na asing pe, adong do na gabe saling melukai. On ma na gabe hasonangan di nasida. Didok Jesus do, Ida ma tanda na hubahen i tu hamu, songon halibitongan, tanda sian ngolu na imbaru dung i ngolu na marhadumaon. Sangkap ni Debata ndang na laho manegai Surgo manang portibi on, alai di dok do ”bereng ma alam on songon tanda manang perumpaman, Bereng hamu ma hau ara i dohot angka hau na asing! Ia dung martunas i diida hamu, tandaon muna do sian i, naung jonok partaonan las ni ari. Sude tanda i paboahon jala patuduhon asa botoonmuna, naung jonok harajaon ni Debata. Ibana sandiri jonok do tu sude jolma tarlumobi tu na marsitaonon dohot na dibagasan habot ni roha. HaroroNa laho mangapul hita. Alai Tuhanta Jesus dao dope andorong so i, nang pe tabereng angka tanda i, molo taantusi do hataNa i, tongtong dope hita hurang porsea, alai sasude i bagian na berbeda. Portibi nang surgo na taantusi nunga lam asing. Sude dasor ni ngolu on nunga lam merosot. Alai didok Jesus do : Unang mabiar hamu ala jonok do Ahu. Di sasude na i ingkon haporseaonmu do hataKi. Nang pe molo tung leleng tanda i, anggo Na hudok i ndang na olo salpu i. Ingkon haporseaonmu do holongKi tu hamu, sadari on nang ro di saleleng ni ngolum. Amen

15 Desember 2009
TURPUK : 1 KORINT 1 : 8
Pahoton ni I do hamu ro di ujung, gabe so hasurahan di ari ni Tuhanta Jesus Kristus i.
HATORANGAN :
Holan Tuhanta Jesus do na tuk margogoihon hita di ragam ni hahurangan nang hagaleonta, asa unang hasurahan hita. Molo tahilala godang hahurangan nang hagaleonta, tangkas ma tatiop jala tahaol Tuhanta i, asa ditangantangan hita padaohon nasa hahurangan i. Unang tapaloas Tuhanta i dao sian hita, asa boi hita manahan hot ro di ujung. Tondi Parbadia ni Tuhanta i ma na patiurhon roha nang pingkiranta asa bidok simalolongta marnida dia angka dalan nang ngolu na boi mambahen hita gabe hasurahan. Songon si Jakob di aek Jabok, didok ibana “na so jadi paluaonku Ho Tuhan, ia so jolo dipasupasu Ho au”. Molo sipata gale nang haporseaonta, tongtong ma gomos tatiop Tuhan i, ai holan Ibana do na patukhon hita hot di Ibana ro di ujung ni ngolunta. Molo godang na mambahen hita marsak di ngolu on, tuk do huaso ni Tuhanta i pahothon hita. Holan Ibana do na tuk pahothon roha nang haporseaonta mamolus ariari ni ngolunta. Unang ganggu hita disi.
Molo tongtong mian hita di bagasan Ibana, gabe dao ma nasa ragam ni hasusaan sian ngolunta. Lumobi di na manomunomu hita di mingguminggu Advent on, manomunomu diharoroNa na paduahalihon i, sai unang ma nian didapot Tuhan i hita dibagasan hasurahan. Ai molo dibagasan hasurahan hita didapothon Tuhan i, tontu di ari paruhuman haduan, gabe parsidohot do hita di api na so ra mintop i. Alai molo tongtong do hita jamot jala marsihohot di bagasan haporseaonta i, tontu jambar na taparsinta di na naung tahirim i saleleng on, ndang munsat sian ngolunta, ngolu na manontong ro di saleleng ni lelengna i. Antong taaithon ma gogo na sian Tuhan i ima TondiNa na naung saor tu hita ganup, asa margogo hita mandai jala marnida Tuhan i. Amen.

16 Desember 2009
TURPUK : 1 TESSALONIK 5 : 2
Ai diboto hamu do tangkas, na songon panangko borngin do haroro ni ari ni Tuhan i.

HATORANGAN :
Pigapiga hali di tingki na salpu, marak do diberitahon di media massa tarlumobi na naung hahuar Film terbaru Hollywood ima na marjudul “2012”, na mandok anggo ujung ni portibi on lao masa nama. Didok ramalan nasida hombar tu penilitian ni angka na malo, ia topet di tanggal 21 Desember 2012 ima ari parujungan ni portibi on manang ari kiamat. Tontu gabe ngeri do panghilalaan umbegesa, tarlumobi digambarhon do rupani na ingkon masa ninna hamaolon godang, ima angka gemba, banjir dohot na so hasaongan. Alai naeng tangkas marhite turpuk on, paingothonna hita, ianggo haroro ni Tuhan i, molo boi talapati kiamat dos dohot ari ni Tuhan i, ndang adong manang ise umbotosa, pola didok songon panangko borngin, tidak ada pengumuman, ndang adong tingting mandok haroroNa i. Apalagi rupani, di jaman on, haroro ni panangko so taboto be, sipata do arian, sipata do tonga ari, jala sipata do borngin, songon i ma gambaran ni haroro ni Tuhan i. Alani taida da ma jo boha do, sintuhuna molo ro ari ni Tuhan i mangihuthon Bibelta : (1) Mamungka ma i dung madabu uhuman ni Debata tu angka parjahat; (2) Na marmula ma i di na mangkirim jolma i, asa sai tarida hadameon dohot keamanan ( 1 Tess. 5 : 3); (3) Ndang manghorhon malapetaka i tu angka na porsea, ai sipaluaon do nasida ala mangolu haporseaon, holong dohot hasintongan ni Tuhan i di ngolunasida; (4) Pos ni roha do i dinapinanakkok ni Tuhan Jesus angka na porsea i tu surgo; (5) Marujung ma i dung harajaon saribu taon dipanompaon ni langit dohot tano na imbaru (Pang. 21:1). Disi ma mangolu panghirimonta songon halak na porsea di Tuhanta Tuhan Jesus Kristus. Amen.

17 Desember 2009
TURPUK : 2 PETRUS 3 : 10
Alai na ro ma ari ni Tuhan i, songon panangko; mardorop ma disi langit i, laho sega; masarsar ma sisiasia ni tano on bahenon ni api; songon i nang tano i, ro di sude ulaon na di atasna, masoksok ma.
HATORANGAN :
Di sada huta adong ma sada halak na padot mangula siulaonna. Na padot huhut mansai hemat. Torop do ianakhonta, alai ala nunga sai tu hepeng lao rohana, gabe adong ma sian ianakhonna i ndang manorushon sikolana. Adong do muse na mansai pistar jala sikola sahat tu doktor. Saluhut do nasida diajari asa tung mansai hemat asa adong masa depanna, ninna amanta i. Jala memang godang do tutu hepeng na pinapungu punguna. Ummora ma ibana sian angka donganna sahuta. Dung godang hepengna sai dipingkiri ibana do rupani boha do asa lam gumodang. Angkal pe diula nama, ala sai maruntung dihilala ibana na mangangkali i. Alai disada tingki pintor mate tompu ma amanta i, so sian ala ni sahit, alai ala memang nunga dapot tingkina. Sude do arta, sinamot, ianakhonna, ndang adong na boi mangambatisa. Salpu ma sudena. Ai holan abit na pinangke na i do boi diboan ibana, gariada holan 4 x 8 meter do hau ingananna, ndang dohot arta dohot jabuna na mararga 1 Miliar i. Tading do sude na i.
Songon i ma nang turpuk on, naeng paingothon hita do i. Anggo haroro ni Tuhan i, ndang taboto i, ndang tasangka i, ala songon panangko borngin do. Alani binsan adong dope tingki dipasahat Debata nuaeng di ngolu on, tangkas ma tapasahat ngolunta dibagasan haporseoan dohot panghirimon na sian Tuhan i. Gabe halak na pajongjong bagas di atas batu ma hita. Asa manang aha pe na masa, ndang ganggu jala ndang mahua haporseaonna. Pos ma rohanta di Tuhan i, asa sahat hita tu sambolu ni tonditanta i, ima Surgo i. Amen.

18 Desember 2009
TURPUK : HEBER 10 : 25
Unang tatadingkon parpunguanta hian, songon na hinasomalhon ni na deba; tung masipaingotan ma hita, jala lam i ma nian, ala lam jonok diida hamu ari i!
HATORANGAN :

Mansai arga jala ringkot situtu do parpunguan. Isarani Organisasi, Punguan Marga manang punguan koor manang arisan komplek/parsahutaon, dongan sahuta, dongan suku, dongan saprofesi, dongan sahuria, dongan sapartangiangan manang dongan sapartinaonan dlan. Disi ma nian begeon angka poda, jamita, hata ni Debata na manghorhon tu ngolu siganup ari. Alai sai adong do deba halak na so apala manghalomohon poda, jamita manang Hata ni Debata-ndang sai tomu tu rohana, gabe olo ma sumurut ndang mandohoti parpunguan i. Olo do muse pinda tu punguan na asing songon pandohan na diturpuk on. Na deba sumurut sian punguan i ala maotikhu di hilala, na deba sumurut sian punguan i ala sai masa na masipahatahataan. Godang do jolma on mambahen angka alasanna gabe sumurut ibana sian punguan i. Hape Hata ni Debata mandok “Molo adong pungu 2 manang 3 marpungu di bagasan GoarHu, sai donganKu do nasida” (Mat. 18 : 20).
Marhite turpuk on naeng igilonna do asa angka na porsea di Tuhan i, asa radot na marpunguan i ala sada gambaran hataridaan ni Debata do i mangula di tongatonga ni jolma. Ala punguan na minaksud ni turpuk on, ima punguan na mangaradoti jala tangkas mangulahon Hata ni Debata di bagasan ngoluna ganup ari. Asa marhite na ringgas manangihon Hata ni Debata, boi lam toras haporseaon jala tau mangadopi angka hamaolon na masa di tongatonga ni ngolu na marsadasada, na markeluarga di portibi na gok hamaolon on. I ma dalanna mangantusi jamot pangaradeon di haroro ni Tuhan i dibagasan ngoluna. Amen.

19 Desember 2009
TURPUK : 1 TESSALONIK 3 : 13
Laho patoguhon rohamuna, gabe so hasurahan marhabadiaon di jolo ni Debata Amanta, di na ro i Tuhanta Jesus rap dohot saluhut angka na badiana.
HATORANGAN :
Sude do hita jolma molo mangula sada ulaon, hape gabe mambaen siparengkelon, pailahon, manang sala mangihuthon kebiasaan / adat, uhum boi do gabe mambaen halak jengkel, muruk, kesal jala marsurak na manggombarhon rehe rehe, insakhinsak tu hita.
Suang songoni do pangalapation ni na hasurahan di jolo ni Debata, saluhutna do hita menghadap tu adopan ni Debata. Naeng lomo roha ni Debata angka siulaonta na di portibion. Alai molo gabe sai tapudi i Debata marhite pangalahonta na so denggan, na surang , na sai manarita tu Ibana, jala mian dope HOTEL ( Hosom, Teal, Elat, Late )
Angka ima na ginoaranna hasurahan di jolo ni Debata. Ai molo hasurahan hita di donganta jolma, gabe ndang dihaposi jala dipasiding do hita, lam Debata ma, tontu magigi, mandao do Debata sian ngolunta, ndang mitra ni Debata be hita, dongan ni sibolis nama. Jala porlu taboto molo hasurahan hita diadpan ni Debata tung mansai dihalomohon sibolis do, sai diusahahon sibolis do asa olo hita gabe pasukan/anggota na na mandao sian Tuhan i manang na hasurahan di adopan ni Debata. Alani loas ma Debata na memandu, mengatur, mengawasi hita asa unang las roha ni sibolis i. Ala halak na olo diparhatoban sibolis tu hamatean saleleng leleng na do jaloonna/jambarna. Amen

20 Desember 2009
TURPUK : ROM 13 : 12
Na salpu ne ma borngin, na jonok nama arian. Antong, tatanggali ma angka ulaon haholomon; tasolukkon ma angka sinjata hatiuron!
HATORANGAN :
Di abad pa-4 hon adong do sahalak teolog margoar Agustinus, na jungkatan do ibana ditingki haposoonna. Marboru-boru, minuman keras, judi, ima dongan hasianna. Inangna na margoar Monica sahalak na manghabiari Debata. Dina sadari laho ma ibana curhat/konseling tu jabuni Pandita mangido pangurupion anggiat boi Pandita i pasingothon/manogunogu anaknai tu dalan na ture, angkat tangan do Pandita i didok “na pistar situtu do anakmi gok parbinotoanna, sude angka hatangku sai dialusi do dohot alasan naso boi dialo”. Dung dibege hata ni Pandita i lam ngotngot ma panghilalaan ni inanta i mamingkiri hajungkaton ni anakna i. Alai diapuli Pandita i do jala didok “Nang pe so boi diuba jolma, alai boi do Debata manguba anakmi, alani i gumodang ma hita pasahathon ibana tu Debata marhite tangiang. Taon 372 tingki marumur 31 taon mulai bosan ma si Agustinus mangulahon ngolu na so ture, lam guga do panghilalaanna, tompu ma dibege ibana angka dakdanak marmeam marende huhut jou jou mandok “ buat, jaha ma ” sai maos dipandok dakdanak i hatai songon na manusuk tu ateatena, gabe masuk ibana tu bilut jala mambungka Bibel, dibuka ma Surat si Paulus tuhalak Rom songon na diturpuk on na mandok “ Na salpu ne ma borngin, na jonok ma arian, antong tanggali hamu angka ulaon haholomon, tasolukhonma hatiuron ”. Hata ni Tuhan on songon na marsintuhu ditujuhon tu ngoluna, mulai sadar ma ibana dingoluna na sai lelengon ndang sintong. On ma mambaen ibana gabe maruba, jala gabe ringggas manjaha Hata ni Debata. Nuaeng pe marhite turpuk on diajak do hita halak Kristen songon anak ni Debata ingkon mangolu dihatiuron, molo anak ni Debata hita tontu parangenta/pangalahonta pe ingkon do maniru Debata ai ndang dao tubis sian bonana. Molo diula ho na so denggan, harorangon, pargadombuson, marbada, mangiburu, parminumon, ndang anak ni Debata hita disi, anak ni sibolis na martanduk i do na sai mangugei jolma. Alani molo disadari ho do na anak ni Debata ho tanggali ma angka ulaon haholomon/hajahaton, dapathon jala pajonok ma dirim tu Debata, dungi pajonokhon na ma tu ho. Amen

21 Desember 2009
TURPUK : JESAYA 40 : 31
Alai angka na marhaposan tu Jahowa maruli hagogoon mardapotdapot, gabe marhabong ni * lali laho manaek. Marlojongi nasida ndang olo loja, mardalani nasida ndang olo mandate.
HATORANGAN :
Taboto do najolo ditingki ni ompunta na parjolo, godang dope na porsea tu angka hasipelebeguon,ndang tulus rohana marhaposan tu Debata nang pe naung dibagasan hakristenon ibana. Sai adong dope na porsea tu datu, manomba sumangot ni angka natorasna naung mate manang porsea tu ompu mulajadi nabolon, adong na laho mamele tu pusuk buhit, adong na laho mambaen sasajen tu batu persaktian na Limbong Sagala mangido hamoraon, keturunanna. Hape songon hita halak Kristen ndang adong be hubungan ni na mangolu dohot na mate. Taingotma hata Agenda ni Parhalado laho mananom na mate didok “ diramoti Tuhan Debata ma ho……..du “. Debata nama mangaramoti selanjutna na mate i, ndang adong be hubungan/urusan ni namangolu tusi.
Turpukta on mandok, halak na marhaposan, porsea tu Jahowa maruli hagogoon mardapot dapot, jala sai dapotan pasu-pasu do dingoluna ala segala sesuatu ibana berpikir dan bertindak mangasahon gogo dohot pandonganion ni Debata, ndang marpangunsandean tu gogo, pikiran, kemampuan, parbinotoan na sandiri. Ala Debata do dipangasahon ibana dingoluna ia pun memperoleh kekuatan dan penghiburan yang luarbiasa, kalaupun ada pergumulan hidup yang ia hadapi ia tetap tegar, ia tidak putus asa, tidak ciut karena ia percaya bahwa Allah selalu beserta dia, dan Allah tidak pernah meninggalkan dirinya sedetikpun.
Songoni ma nang hita molo ganup panggulmiton ni ngolunta porsea/marhaposan tu Debata, sai na maruli hagogoon dohot pasu pasu do jaloonta sian Debata.. Amen

22 Desember 2009
TURPUK : 1 MUSA 49 : 18
Hatuaonmi do na huhalungunhon, ale Jahowa!
HATORANGAN :
Molo tajaha na sa-bindu on, boi dapot antusan na tangkas pasupasu panurirangon ni si Jakob tu angka ianakhon na. Pambahenan ni Jahowa nunga dihilalahon si Dan ima uju di ngolu ni si Jakob ompu/ama na. Ido umbahen na di soarahon tu hita jolma nuaeng asa sude angka na porsea mananda panindangion haporseaon (Pengakuan Iman Orang Percaya) mangido asi ni roha dohot hatuaon (keselamatan) sian Jahowa sambing do dipangasahon si Jakob di ngolu ni angka anakhonna.
Songoni ma antusan ni halak Batak na manghalomohon na martua di portibi on. Alai ianggo tua sian Debata ndang muba-muba i, sahat ro disaleleng ni leleng na jala sai las ni roha do pangkorhon na. Asa martua jala taruli pasupasu do ngolu ni ganup jolma na marpanatap (peduli) tu angka na gale jala ido na hinalomohon ni Debata sian hita. Nunga mansai godang pasupasu ni Debata tu hita. Alai tarajumi do i, ala pambahenan ni Debata. Molo tarajumi do i, sai na hatindanghonon na do pambahenan ni Debata di ngolum maradophon humaliangta. Antong, sai tapajonok ma tu Debata, ai ibana do na mangondingi hita di na mangalului angka pandaraman dohot ngolu di partondi on, asa gabe jolma na martua hita ro di saleleng ni leleng na. Ai ibana do nampuna hita jala holan Ibana do mangantusi aha na ringkot di hita. Amen

23 Desember 2009
TURPUK : PSALM 33 : 20
Sai dihalungunhon rohanami do Jahowa, Ibana do panumpahi dohot lombulombunami.
HATORANGAN :
Dihatindanghon si Daud do Debata do na manjadihon saluhut na adong di portibi on. Jala rencana ni Debata do na masa di sejarah parngoluon ni bangso Israel hatiha i dohot di sude ngoluni jolma di sandok portibi on. Di akui par-Psalmen on do so adong na holip sian parnidaan ni Debata, ai manatap natap do ibana sian habangsaNa di banua ginjang mamereng saluhut na masa di ngolu ni jolma dohot na humaliangna. Molo tung masa pe angka hamaolon songon di sejarah hapariron ni bangso Israel na di habungan Babel diantoi Debata do ngolu nasida, diurupi jala dipalua bangsoNa sian ragam ni parungkilon i. Ido umbahen na disoarahon ibana asa sude angka na porsea marolop-olop jala mamuji goarNa na badia i. Halak kristen ganup ari Minggu manghajongjonghon hata haporseaon, boi do tubu sada sungkun-sungkun tu dirinta sandiri olat ni dia parbue ni panandaongku, umbahen na barani au manghatahon i ? atau holan na mangihuthon tata cara ni par-Minggu i do. Aut sura holan sahalak do mandok boi lupa jala molo rap mandok di gareja lancar do tadok.
Ima sada tanda marai, na so apala tahangoluhon manang ndang hasil ni panandaonta ise do Debata di ngolunta sandiri. Gabe ndang barani be hita mangarahon angka dongan asa rap marende, martangiang, marolopolop jala mansoarahon tu angka dongan na humaliang na ingkon Jahowa do sipangasahononhon, ala ibana do na talup manumpahi/mangurupi dohot na gabe lombu-lombu/partanobatoan. Boha do saat di dia haporseaonta? Nunga tagamon polin holan manghalungunhon Jahowa do pangurupi ? atau taharingkothon dope angka Debata na asing ? Di tingki na so margogo ima nian hita tarida pangurupion ni dongan, ala mansai arga panolongion dihalak di tingki porlu ibana panolongon i, jala sian Debata do dapot hita balos ni pasu-pasu. Amen

24 Desember 2009
TURPUK : PODA 8 : 35
Ai manang ise na jumpangan Ahu, jumpangan hangoluan do, jala maruli asi ni roha sian Jahowa
HATORANGAN :
Nunga hasomalan molo nunga jumpang bulan Desember pintor marpikir pangaradeon ma laho merayakan pesta hatutubuni Sipalua Tuhan Yesus Kristus, adong do na merayakan pesta Natal sampai dua bahkan empat hali pajojorhon/marliturgi. Songoni tepat bodari 24 Desember mansai hibur do jolma laho mandohoti tu bagas joro (gereja) ala ima puncak dari pada Natal Umum on do tarida ma maroan angka anak ranto mulak tu bona pasogit mandohoti pesta dohot natua-tua manang keluarga.
Tontu di tingki acara si songonon ma molo nunga adong sulu-sulu laho mardalan, boi ma sahat hita denggan tu tujuan ni ngolunta. Dapot ma na ni luluan, manang na pinarsinta. Molo tung adong pe angka pangambati ndang mura-mura be mandele, ai si ganup Minggu bahkan siganup ari marhite almanak HKBP boi gabe pembantu laho manangkasi taringot hata ni Debata laho paimbaru rohanta mangantusi angka na masa, ndang tubu be di halak Kristen na mangalului jalan pintas. Alai marhite na jotjot hita manjaha hata ni Debata naeng ma tajanghon hororoni Sipalua dibagasan kesederhanaan. Molo mar-Natal ndang apala porlu be marhite kemewahan alai na rumingkot boha do asa di kesederhanaanta i tabato manghasabamhon na adong di hita ganup, atik pe molo adong tapasahat ma tu donganta na membutuhkan songon si Maria na dapotan asi ni roha sian Debata Jahowa, tubu-tubuan ibana sian tondi porbadia gabe dapotan sandok jolma di portibi on. Sipahusor-husoran ni rohanta ima jou-jou asa ganup nian marlas ni roha mangolophon hatutubu ni sipalua. Na pasti hatutubu ni Yesus manggombarhon sada halongangan do i mulai sian proses pardalanan ni si Maria dohot si Yosep sahat tu na tubu Raja i di Bara ni pinahan, asa saut sangkap ni Debata. Amen.

25 Desember 2009
TURPUK : PSALM 9 : 3
Marlas ni roha jala marolopolop ma ahu mida Ho, endehononku ma goarmu, ale Natumimbul!
HATORANGAN :
Parjolo sahali, sahat ma tabe Selamat Ari Natal ma di hita saluhutna!. Barita Las ni Roha Bolon do na sahat tu hita sadarion. Ganup halak namarlasniroha, sai tarida do lasniroha i di dirina nang dipangalahona. Neang ma panghilaan, Neang pangalangkana, minar pandompahanna, dna. Alani, sude do halak manghalomohon las ni roha. Alai, dang sai tarbahen i, marsorinsorin do lasniroha dohot habot ni roha na ro tu hita saleleng di hasiangan on. Diturpuk on, jala apala na tongon hita mamestahon Ari Natal, Las ni roha i ndang jadi mansohot sian ngolunta, ai i do Barita Nauli na sahat tu hita, hita pe gabe porsea. Ai Las ni Roha bolon do na ro on. Debata rade na gabe jolma manisia, ala hinaarga ni hita jolma natinompaNa i. Sian habadiaon do Ibana ro tumopot hita jolma pardosa on, asa hita pe asa badia alani mudarNa i. Sian hamuliaon do Ibana ro, sorang di panggatan i (asa on ma dasorta, mangarayahon Natal dibagasan kesederhanaan). On ma las ni Roha Bolon i. Asa dang boi sirangonta Parningotan Natal on tu hamamateNa dohot haheheonNa i. Marningot hita di hatutubuNa, ingkon marningot do nang dipanobusionNa di hau pinarsilang I jala namanghamonanghon hamatean i (puncak karya keselamatan).
Antong, marolopolop ma hita, endehon hamu ma goarna nabadia i, nunga ro Raja Natumimbul i, hot do harajaonNa sahat tu salelengnilelengna. Hasangapon ma di Debata di ginjang, dame ma di tano on, di angka jolma halomoan i. (Luk 2:14).Amen

26 Desember 2009
TURPUK : MATEUS 5 : 16
Naeng songon i ma marsinondang palitomuna di jolo ni halak, asa diida angka pambahenanmuna na denggan i, asa dipuji nasida Amamuna na di banua ginjang i.
HATORANGAN :
Holom do sabotulna portibi on (bumi). Angka sinondang i do mambahen portibi on gabe tiur. Adong pe Hos ni ari (siang), mata ni ari do namanondangi portibi on. Bodarina pe, Bulan, Bintang dohot angka palito do na mambahen asa tiur portibi on. Asa dang boi naholom i paluahon dirina sandiri asa gabe torang. Ingkon adong do personal na asing namanondangi haholomon i. On do na pinagido ni turpuk on, asa hita na porsea nunga hape didok na gabe panondang ditongatonga ni portibi on na holom situtu dope. Asa marhite hita, dihirim Tuhanta do, portibi on taruli angka nauli, mananda ma na holom i tu Tuhan Jesus Kristus Panondang Bolon i (Joh 8:12). Adong tugas dipasahat Jesus tu hita ima na gabe sinondang tarlumobi di sasude parniulaan nang pambahenanta. Metmet manang balga jala marragam ulaon i, ingkon na gabe sinondang i humaliangta. Boi ma i mangula dibagasan holong ni roha, hasatiaon, hasintongan, dibagasan dame, dna. Alai, unang gabe dalan papujipuji dirinta i, manang madabu tu kesombongan. Holan Debata ma na marsangap di angka saluhut pambahenanta i. Ditingkina, ndang sian portibi on jaloonta hamuliaon, sian Debata sandiri do. Amen

27 Desember 2009
TURPUK : JOHANNES 14 : 6
Ahu do dalan i dohot hasintongan dohot hangoluan. Ndang adong na sahat tu Ama i, ia so marhite sian Ahu.
HATORANGAN :
Singkap mabarbar mambahen timbo bilangan ni na kecelakaan di parpudion ima, hurang godang dope bilangan ni dalan (jalan raya). Hape tamba taon, lam tamba do bilangan ni angka kendaraan di negaranta on. Gabe padat kendaraan i di dalan, mambahen lam timbo resiko kecelakaan. Asa ingkon seimbang do pertumbuhan ni kendaraan dohot pembangunan ni dalan. Alai ianggo turpuk on, sabalikna do. Lam torop pe jolma manisia di portibi on, holan sada do dalan siboluson asa sahat tu Ama i, ima dibagasan Tuhan Jesus Kristus. Ndang adong dalan na asing. Songon dia ma dalan i? Manjalo Tuhan Jesus Kristus di ngoluna na gabe Tuhanna. Songon alus ni si Marta di Joh 11:27 i “Olo Tuhan, na porsea do au, Ho do do Kristus, Anak ni Debata,..”. Di bagasan haporseaonta tu Tuhan Jesus Krsitus, i do gabe dalan di hita na porsea asa jumpangta hangoluan na saleleng ni lelengna i. Alai nagabe sungkunsungkun, boha do manjamitahon turpuk on di bagasan konteks negaranta on sinuaeng? Ai torop dope warga Negara ni Indonesia on naso manghaporseai Kristus i. Jala memang dohononta ma, Negara Indonesia ima ladang na bidang tu Penginjilan. mulak ma hita tu turpuk Mateus 5:16 i, asa marbarita nauli hita sian parulaonta sandiri, mangula dibagasan holong, dame dohot hasintongan Asa marhite ulaonta marsangap Debata natasomba jala na tahaporsea i, asa nasida pe ditanda ma Tuhan i, Tuhan Jesus Kristus. Amen.

28 Desember 2009
TURPUK : JOHANNES 6 : 40
Ai on do dipangido roha ni Damang: Naeng ma dapotan hangoluan salelenglelengna ganup na marnida Anak i jala porsea di Ibana; jala paheheonku do ibana di ari parpudi.
HATORANGAN :
Ia turpuk on ima hatiha dung simpul ditamuei Tuhan Jesus lima ribu halak mangan. Mansai torop do jolma mangalului Tuhan i di hatiha i, pola do dilului na torop i sahat tu huta Kapernaun. Alai sasintongna ala ni aha do natorop i mangalului Tuhan i? Ala ni haporseaon do manang ala naung bosur natorop i manganton roti i. I do asa didok Tuhan Jesus tu natorop i, “Natutu situtu do na hudok on tu hamu, Dilului hamu pe Ahu, ndada ala naung dapot rohamuna tanda i, tung ala ni na bosur i do hamu, na mangan roti i. Alai ndang roti na sian portibi on na mambahen sombu male dohot uas na saleleng ni lelengna. Alai Roti na sian Banua Ginjang i do, na boi mambahen hita mangolu ro di saleleng ni lelengna. Dung i ninna Jesus ma mandok nasida: "Ahu do roti hangoluan i: sandok na so male be manang ise, naung ro tu Ahu; jala na so tupa be mauas manang ise, na porsea di Ahu” (jaha Joh. 6 : 26, 35). Marhite i ma hita angka na porsea di Tuhan i, ditongatonga ni partingkian sinuaeng on, naeng tangkas taida jala tadai, dia do roti hangoluan na pabosur dohot pauashon ro di saleleng ni lelengna. Sipanganon diado na boi sihirimonta di ngolu on na boi jala tolap mangalehon hasonganan si saleleng ni lelengna i. Tontu ndang sipanganon manang roti ni portibi on i, ndang hagiot ni portibi on i, na sipata idaon tabo jala bagak, alai ndang adong panghorhonna, molo pe adong, sai na marhaujungan do, na sementara. Boi do idaon dilehon portibi on sipanganon manang hangoluan sesaat, sementara. Alani ma jamot jala tangkas ma hita mangalului Tuhan i, laho manjalo sipanganon dohot roti hangoluan i. Amen.

29 Desember 2009
TURPUK : PSALM 105 : 4
Sisiri hamu ma Jahowa dohot hagogoonna i, tongtong ma lulu i hamu bohina.
HATORANGAN :
Tung tangkas do panogunoguon dohot holong ni roha ni Debata tu bangsoNa, diabing, diompa jala dihaol, songon i ma gambaran holong ni roha ni Debata, na so hasuhatan mida jolma na tinompaNa i. Parpsalm tung tangkas do pabotohon i dibagasan turpuk on, songon hataridaan ni pamujionna di asi dohot holong ni roha ni Debata na naung tangkas dirajumi dibagasan ngoluna. Dipabotohon parpsalm do hagogoon dohot huaso ni Debata na naung mangudut ngolu ni bangsoNa, tarlumobi tu ompu ni bangso i, Abrahm, Ishak, dohot Jakob. Sandok ngolu ni bangso i, marharoroon jala marmual sian jala dibagasan Debata. Jala marhite i ma naeng tongtong panghatindanghonon ni parpsalm i naeng tongtong panghatindangonta di ngolunta partingkian on. Asa marhite turpuk on, hatiha tolhas di tongatonga ni ngolunta nuaeng, diigil do hita mangarade diri tarlumobi margogo laho manghatindanghon asi ni roha dohot holong ni roha na naung taida jala tadai di ngolunta ganup. Alani ma laho mangulahonsa tontu, ndang tolap hita i, molo mangasahon parbinotoanta sambing, alai naeng tangkas mangido gogo dohot pangurupion nda holan sian Tuhan na asi roha i. Asa tung tau jala tolap hita, songon ulaoan manghatindanghon i, denggan ma muse marudut tangkas tandi jala tanda pangalaho, penghataionta hombar tu lomo ni roha ni Tuhan i sambing. Marhitehite haporseaon na marsihohot tu Debata di bagasan Jesus Kristus naung manghophop hita. Ibana do na tuk patiurhon roha dohot pingkiran ni sandok manisia na tongtong manghatindanghon hagogoon ni Debata. Asa boi dapot hita marnida bohi dohot holong ni roha ni Tuhan i di ngolunta on. Amen.

30 Desember 2009
TURPUK : MIKA 6 : 8
Nunga dipabotohon ibana tu ho, ale jolma manang aha na denggan, jala manang aha na niluluan ni Jahowa sian ho, nda holan na mangulahon uhum dohot holong ni roha di habasaon, jala marpangalaho haserepon maradophon Debatam.
HATORANGAN :
Molo taida na masa di parngoluonta di zaman na mansai maju on, lam tu timbona do pangalaho hajahatan masa, lam rarat tingkat kriminalitas, manang lam ragat dosa diulahon na so sipata ndang tardok jala tarpingkirhon be... aha do ulaning na masa di zaman on ? Mungkin boi do tadok, ala nunga lam ngali holong i, nunga lam mandao pangalaho na masihaholongan di zaman on. Nunga tondi egoisme na tubu, holang mamingkirhon haporluaon ni dirina sandiri so pola marnida ngolu ni na humaliangna. Alai molo taulahon do patik ni Debata di ngoluonta on, ima manghaholongi Ibana sian nasa roha, sian nasa pingkiran, sian nasa gogo dohot nasa ateate, jala tangkas manghaholongi dongan doshon dirinima, ndang masa jala ndang tubu hajahaton na so hinanolohon ni Debata na manghorhon dosa.
Jala i do naeng tangkas ulahononta mangihuthon turpuk on, ai nunga sasintongna dibasabasahon Debata roha holong tu ganup roha ni jolma. Persoalanna, na so tangkas do taulahon huhut taparangehon di gulmit ni ngolunta. Sai tadok rupani “huhaholongi Ho Tuhan” ganup angka panghataionta manang tangiangta tu adopanNa, hape “ndang tangkas tahaholongi donngan jolma” tardok do hita pargabus disi. Alani ima, binsan naung dilehon Debata saluhutna, jala binsan diloas dope hita mangolu nuaeng dipartingkian on, tangkas ma hita mangulahonsa, asa unang marisuang angka na tahirim di ngolu on, asa lam tangkas marhite hita boi tandap jala diboto halak na so tumanda Tuhan i, ro marsomba tu Tuhan Jesus, Sipalua i. Amen.

31 Desember 2009
TURPUK : JESAYA 54 : 10
Ai munsat pe angka dolok, jala humuntal angka robean, alai anggo asiasingku na so tupa munsat sian ho, jala padan ni hadameonku na so tupa humordit, ninna Jahowa siasii ho.
HATORANGAN :
Topet dibagasan sadari on, masuk ma hita tu ujung ni taon 2009 on, jala marsogot masuk ma hita tu taon naimbaru, taon 2010, taon na binasabasahon ni Debata tu hita. Sian parubahan ni taon i, tontu adong do naeng dohonanna tu hita, ianggo ngolu, taon, tingki, kondisi ni portibi on, ingkon mardalan di sada rel na “INGKON BERUBAH” do. Dohot hata na jempek dohonon, songon pandok ni Parjamita 3, “sude martingki”, jala sude na di tano on, ingkon salpu do. Ndang adong na hot di tano on, di portibi on. Boasa? Sungkungsungkun on, nunga tangkas taboto alusna, ala ndang adong na hot di tano on, jala sian segi disiplin ilmu manang aha pe i, sai ingkon tangkas do rajumanna, saluhutna ingkon salpu do, tidak ada yang abadi. I do asa didok di Endetanta i, “anggo hasiangan parsatongkinan do”. Alai marhite turpuk ni pangujungi ni taon on, naeng tangkas paingothonna hita, adong do na hot ro di saleleng ni lelengna hombar tu haporseaon dohot panghirimonta i. Diama i? Asi ni roha dohot holong ni roha ni Debata na manompa hita, ima padan hadameon na tangkas taantusi marhite HATA NI DEBATA (FIRMAN TUHAN) na so jadi mansohot jala ndang jadi homordit (kokoh) do ro di saleleng ni lelengna. Alani i ma, ndang marisuang panghirimonta i, ndang marisuang haporseaonta i, molo ingkon manaon angka perubahan dohot angka na manontong hita mangolu di portibi on. Marhite on ma, naeng tangkas muse tarajumi, saluhutna hape, boi jala tupa do, molo rade jala managam gomos di haporseaon dohot panghirimon dibagasan Tuhan i. Taokuma. Amen

Partangiangan Ganup Ari Edisi Nopember 2009

TURPUK : MATEUS 10 : 16 B
Pantas ma hamu marroha songon ulok, huhut lidang ma rohamuna songon darapati!
HATORANGAN :
Didok angka pande bisuk “pandai-pandailah hidup” na boi dilapati, boi do bahenon segala cara boha ma asa mangolu manang marngolu. Molo tung pe sian dalan na so tingkos, tarjalo pingkiran ni pandohan na di ginjang i do. Jala jotjot do tong pingkiran songon na di ginjang i, diinterpretasihon halak laho mangantusi turpuk di bagasan minggu on, tarlobi rupani pandohan na mandok “marroha songon darapati jala marbisuk songon ulok”. Na jotjot tubu sala pangantusion taringot Hata ni Debata. “Ndang sude jadi alai boi do sude masa”. Seolaholah marhite pandohan i, boi do halak tu datu rupani mangido hamalumon ala marbisuk songon ulok, manang boi do korupsi sama-sama untung ala marroha songon darapati. Hape marhite turpuk on, tung tangkas do dipodahon asa saluhutna langka, pingkiran dohot pangalaho ingkon dibagasan hapantason na sian Tuhan i sambing. Asa ndang adong alternatif manang jalan keluar na asing, ia so marhitehon roha dohot habisuhon na hombar tu Hata ni Debata. Antong tajalo ma pangurupion sian Tuhan i, asa sanggup hita patuduhon roha na bisuk dohot roha na lindang hombar tu lomoNa, asa manang aha pe na masa di tongatonga ni ngolunta, sai Debata ma tapangasahon, asa tarpasupasu ngolunta. Amen.

TURPUK : TITUS 2 : 12
Diajari do hita, asa tasoadahon roha na so daulat ro di angka hisaphisap tano on, asa taparangehon hatomanon, hatigoran dohot hadaulaton, tagan di hasiangan on.
HATORANGAN :
Pangela ni portibi on dohot hagiotna tontu sian hajolmaon boi hita gabe tartait. Ala memang jotjot do rupani sai pintor hatop idaon panghorhonna, jala boi patubu halongangan. Alai pos ma rohanta, ndang leleng i masa, ndang leleng i martahan, ai tung tangkas do, saluhutna i parsatongkinan do. Na pasti, boi do hita gabe mardosa molo ndang tangkas rupani tauji sian haporseaonta, sian Debata do i manang sian portibi on. Ala na hot ro di saleleng ni lelengna, holan sian Debata Jahowa do mualna, ndang sian na asing manang sian hagogoon ni portibi on. Alai tubu ma sungkunsungkun, songon diama hita marnida huhut mananda i ? Tontu turpuk on ma naeng tangkas paingothon hita. Boasa? Ala sian hatutubunta pe nunga disahaphon Debata tu roha dohot pingkiranta dia ma na denggan dohot dia ma na roa. Holan i, ndang tandi jala ndang tandas taboto i, molo so tangkas mangguruhon Hata ni Debata. Di son ma peran ni natoras, songon pangajari tu angka ianakhon, dalan laho manulgulhon na naung saht i hian tu ganup jolma. Panghangoluhon dohot panandaion na tangkas di Hata ni Debata i do boi sanggup mangalo dohot malua sian pengela ni hagiot dohot hasonangan ni portibi na mangilas on. Alani tangkas ma tajamothon be dirinta, asa holan na sian Tuhan i, mian di ngolunta. Amen.

TURPUK : 1 TIMOTEUS 4 : 7 – 8
Pasiding ma angka turiturian na so gabeak, na so marnosan i. Pasomalsomal ma dirim mangulahon hadaulaton! Ai otik do guna ni na pabosihon daging; alai tu saluhutna do hasea hadaulaton i, ai hangoluan nuaeng nang sogot dibagabagahon.
HATORANGAN :
Godang do turiturian na so gabeak dohot na so marnosan jumpangta di ngolu on. Ramalan nasib, ramalan bintang, gambaran rupani angka turiturian na so hinalomohon ni Debata. Mangido gogo sian ulpuhan ni datu manang mamangke “susuk” di angka horong parompuan na naeng tampil bagak manang uli, tong do sarupa, gambaran ni turiturian na so hinalomohon ni Debata. Na pasti, boi do i idaon satongkin songon na uli manang marguna, alai diujungna luhutna do mangido korban. Marhite turpuk on, asa dao jala boi tolap mangadopi sisongon i, tangkas do asa tangkas ma hita “marhadaulaton” manang didok di hata Indonesia “beribadah”. Jala ndang holan intap ni i, naeng do tangkas ulaon na marhadaulaton i, gabe hasomalan na denggan. Ala molo tung somal gabe tolap do, ala bisa karena biasa, dohot pandohan na mandok “pasomalsomal ma dirim tu hadaulaton”. Asa hatiha tapasomalsomal marhadautaon – beribadah, tontu parjumpanganta be dohot Debata marhite HataNa nunga tangkas jala teratur. Na boi gabe jaminan, hombar tu turpuk on, ima “bagabaga” hasonangan do dapot hita diujungna. Hasonangan di banua tonga on nuaeng dohot hasonangan banua ginjang hasuan. Hombar tu panghirimonta i. Amen.

TURPUK : 2 KRONIKA 30 : 8
On pe, sai unang ma patangkang hamu tangkuhukmuna i, songon na binahen ni ompumuna, pasahat hamu tagonan dirimuna tu Jahowa, jala ro be hamu tu habadiaonna, naung pinarbadiaanna ro di salelenglelengna, jala oloi hamu Jahowa, Debatamuna i, asa mundar sian hamu parpiarpiar ni rimasna.
HATORANGAN :
Adong sada keunikan na boi taida sian bangso Israel manjalo haluaon marhite sejarah karta keselamatan na di patupa Jahowa tu nasida. Di sada tingki mangoloi do nasida tu Jahowa, di sada tingki na asing muse, dipatangkang bangso i do rohana mangoloi Jahowa, jala na parohon uhum ni Debata na mangonai tu nasida. Alai dung mangangguhi bangso i tu Debata manopoti angka dosa dohot hasalaon nasida, tongtong do marpangulahi roha ni Jahowa mida bangsoNa i. I do gambaran parjolo naeng tangkas idaonta sian unok ni turpuk on. Jala hombar tusi ma, diuduti turpuk on do, sipaingot secara khusus tu sundut na umposo, asa unang be manimbil sian dalan ni Jahowa, songon na jotjot diula ompunasida, na sai olo manimbil tu siamun dohot tu hambirang. Ala na badia do Jahowa, ingkon badia do nang siihuthon Ibana. Holan sada do Debata sioloonta, ima Debata na badia, na gogo, na marhuaso di saluhut na tinompa. Nuaeng pe ingkon taokuhon do di ganup pardalanan ni ngolunta, boi jala tolap hita margogo, mangadopi saluhutna i, holan ala asi ni rohaNa do. Antong tapasolhot ma dirinta tu Ibana marhite panombaon na sintong, ima marhite na mamelehon dirinta gabe hasangapon ni GoarNa. Ai sian Ibana do saluhutna ro, marhitehite Ibana jala marhapatean tu Ibana do sasudena, di Ibana ma hasangapon saleleng ni lelengna. Amen.

TURPUK : JOHANNES 4 : 23
Alai na ro ma tingkina jala nunga ro i nuaeng, gabe di bagasan Tondi dohot hasintongan martangiang angka partangiang na tutu tu Ama i; ai angka partangiang na songon i dipangido Ama i.
HATORANGAN :
Tangiang ima hosa hangoluan ni na porsea. Ra pandohan i, ndang be asing i di hita. Alai boha do martangiang jala songon diado martangiang, naeng tangkas pabotohonon ni turpuk sadari on. Adong tahe tangiang na so sintong? Adong. Ima molo martangiang holan mangasahon pingkiran dohot laho patimbohon diri. Isarana, halak Parise na martangiang di tongan dalan, asa dibereng halak ibana na martangiang i. Martangiang ima pangalaho manomba Debata na badia i, alani ingkon dibagasan hasintongan do hita laho marsomba tu Ibana. Di jaman na maju nuaeng on, nunga godang di lului jolma angka panombaon manang partangiangan na laho pasonangkon diri, patabotabo pinggol sambing, tarlumobi ma i angka sundut na umposo, sai naeng mangalului ibadah-ibadah alternatif. Adong muse partangiangan i holan seremonial manang kebiasaan sambing. Hape didok Tuhan Jesus do tu hita na porsea di Ibana, asa muba rohanta martangiang manang manomba Ibana. Asa boi hita martangiang dibagasan Tondi dohot hasintongan. Ndang dibagasan pardagingon be panombaonta dohot partangianganta i. Boasa ingkon martangiang dibagasan Tondi? Ala Tondi do Debata, asa angka na martangiang tu Ibana, patut martangiang dibagasan Tondi dohot hasintongan. Antong tajalo ma Tondi na sian Tuhan i, asa margogo hita martangiang hombar tu lomo ni rohaNa i. Amen.

TURPUK : LUKAS 4 : 8 B
Tuhan Debatam do sombaonmu, sasada Ibana do sioloanmu!"

HATORANGAN :
Turpukta sadari on ima tingki pangunjunan na dipatupa sibolis tu Tuhan Jesus, dung marpuaso Ibana 40 ari 40 borngin lelengna. Ro do sibolis mamboan Tuhan Jesus laho marnida haulion dohot harajaon ni portibi on, jala didok sibolis i ma tu Ibana, “ Di Ho ma i saluhutna, anggo olo Ho marsomba tu ahu”, alai dialusi Jesus ma, songon turpuk on, “Tuhan Debatam do sisombaonmu, sasada Ibana do sioloanmu”.
Di parngoluan siganup ari, jotjot do taadopi angka pangunjunan na dipatupa sibolis laho mangelaela hita asa manimbil hita sian dalan ni Jahowa jala mangoloi sangkap ni sibolis i. boi do i marhite hamoraon, hagabeon dohot hasangapon na adong di portibi on. Olo do margabus halak asa dapotan pangomoan ibana, olo do manogok (suap) asa dapotan ibana sadasada jabatan, olo do laho rupani mangido gogo tu ulpuhan ni hadatuon, dohot lan angka na asing pangalaho na boi hita mandao sian Tuhan i. Ima deba piga dalan na binahen ni sibolis laho mangunjuni hita. Hape tung tangkas do dipabotohon hata ni Tuhanta, ianggo hasangapon, hamoraon dohot hagabeon na sian portibi on, parsatongkinan do i. Alai na tangkas manontong ro di saleleng ni lelengna ima harajaon na sian banua ginjang i. Alani i, asa dohot hita gabe parjambar tu harajaonNa i, ingkon holan Ibana do sombaonta dohot oloanta, ndang adong na asing. Ai Ibana do nampuna harajaon dohot hagogoon ro di hasangapon si saleleng ni lelengna i. Amen.

TURPUK : 5 MUSA 10 : 12
Nuaeng pe, ale Israel, aha do na pinangido ni Jahowa, Debatam sian ho, nda asal marhabiaran ho tu Jahowa, Debatam, jala marparange ho di saluhut dalanna, huhut marroha haholongon mida Ibana dohot mangoloi Jahowa, Debatam sian nasa roham dohot sian nasa ateatem!
HATORANGAN :
“Holong”, on ma pandohan na somal tabege jala sai jotjot rupani dijamitahon angka parjamita songon karekter khusus (specially character) ni halak Kristen siihuthon Kristus. Tuhan Jesus mandok ingkon haholongan Debata jala habiaran. Dipadomu do hata “holong” dohot hata ”biar”. Parholong do Debata jala parrimas. Taantusi holong, ala naung parjolo do Debata manghaholongi hita. Jala molo ndang tahangoluhon holong, olo do ro rimas ni Debata manguhumi hita. Jadi ingkon mabiar do hita disi, unang sanga ro rimas ni Debata. Ai molo ro rimas ni Debata, ndang haotapan hita i marhite malonta, dohot gogonta, ingkon mago do hita. Alai molo masa do holong di hita, lam idaonta do holong ni Debata dohot asi ni rohaNa di hita, na gabe malua hita sian ihotihot ni sibolis jala boi tubu panghirimon di hangoluan na saleleng ni lelengna i. Songon i ma turpuk sadari on naeng paingothon hita, boha do hita na mangoku porsea di Tuhan i, naeng tangkas manghangoluhon holong songon na pinangido ni Debata sian ganup na porsea di Ibana. Hatiha tangkas hita manghaholongi dongan songon diriniba sandiri, manghaholongi musu songon diriniba, songon i naeng tangkas patuduhonta. Jala marhite i, boi ma tangkas taantusi holong ni Debata na so hasuhatan di ngolu on. Antong patut ma hita manghaholongi jala mabiar tu Debata, asa ngolunta pe tandi jala tanda patuduhon siihuthon Kristus hita di portibi on. Amen.

TURPUK : JAKOBUS 1 : 27
On do hadaulaton na ias jala na so marlindang, di roha ni Debata Ama: Mandulo angka na so marama, so marina dohot angka na mabalu di haporsuhonnasida, huhut mangaramoti diriniba maralohon portibi on, unang marlindang.
HATORANGAN :
Denggan do angka na pasauthon angka ruhutruhut ni parugamaon, alai naeng dibagasan ni i sudena ndada lao pasintonghon diri manang patuduhon siula parugamoon hita disi alai si pasaut lomo ni roha ni Debata ma. Marisuang do angka praktek parugamoon na tabahen i molo ndang mampanghorhon i tu angka pangalaho na pangoluhon. Joujou gabe pasupasu ima na sai tongtong marsaringar di angka na porsea siganup ari. Mardiakonia ma Huria, ala Jesus mandok tu hita asa gabe siula misi ni Debata jala sitindangi ni Debata do hita (bdn. Mat. 28: 19-20). Molo tanggap na jonok do hita tu Debata, sai taradoti ma angka na denggan i dibagasan ngolunta. Unang ma talu hita mangulahon na denggan (bdn. Roma 12:21). Sai rade ma hita sibahen angka haimbaruon na hombar tu lomo ni roha ni Debata dibagasan pos ni roha nang asi ni roha ni Debata. Ai, sai donganNa do hita laho patupahon saluhutna i. Disisi na asing sian hangoluan si saonari, ima gok angka donganta na gale na mengalami ketidakadilan sian angka halak na gogo na mangulahon ketidakadilan. Kritik na tumajom ima, gareja hurang mangalehon roha tu ngolu ni angka sosial ni ruasna jala angka persoalan sosial digareja holan sebatas panghataion dope gumodangan. Ala sai panghobasion seremonial dope na diutamahon gareja i. Alani i, sahalak na nunga berpuasa ingkon adong ma nian hamubaon ni diri dohot parubahan ni ngolu tu lam dumenggan. Mardiakonia ma huria molo dung marpuasa, boi mangulahon na hombar tu lomo ni roha ni Debata. Amen.

TURPUK : ULAON NI APOSTEL 20 : 35
Sandok hupatuduhon tu hamu, ingkon songon i do iba mulaulaon laho mangurupi angka na so margellok, marningot hata ni Tuhan Jesus, ai Ibana do mandok: "Martuaan do na mangalehon sian na manjalo!"
HATORANGAN :
“Holitholit mago, buangbuang ganda”, pandohan ni halak Batak do on, na boi dilapati tu mago na do halak na sai mangholit artana maradophon angka donganna, jala lam tu ganda na do disadasada halak nang pe sai songon na mambuang ibana di artana maradophon dongan na dina marsilehonlehon i. Jala saurdot do on tu Hata ni Tuhanta na mandok di Poda 11 : 24 “Adong deba halak na buas manaburhon, hape lam ganda do, adong huhut deba mangkolit hamoraonna, hape lam marpogospogos do.” Songon i ma nang turpuk on, naeng paingothon angka na porsea di Tuhan i, ianggo hamoraon na tajalo i sian Debata do mualna, ala ni naeng tangkas do lehononta i tu angka halak/dongan na memang tangkas siurupan. Ala hata martua di turpuk on tung tangkas do dipasahat jala dipatolhas tu halak na ringgas marsilehonlehon sian hamoraonna i. I do na tanda pangarajumion na sian Debata jinalona hamoraon i. Jala tung tangkas do i, anggo dibagasan hamoraon manang na adong di hita i, adong do sangkap ni Debata naeng tangkas patulushonta. Alani tabotoma marsilehonlehon tarlumobi tu angka na gale, disi do botoonta sangkap ni Debata na masa marhitehite arta dohot ngolunta i. Amen.

TURPUK : ROM 12 : 13
Antoi hamu ma na hasea di angka na badia! Haringkothon hamu ma partamueon!
HATORANGAN :
“Paramak na so ra balun, partataring na so ra mintop, parsangkalan na so ra mahiang”, ima dasor/ prinsip partamueon ni halak Batak. Poda on sai dipodahon natuatua tu angka sundut na umposo asa sai tongtong rade amak hundulan ni angka na ro tu bagasta, manghobasi sipanganon na boi panganon ni tamue.
Jala marhite turpuk on, naeng tangkas, partamueon i diulahon ala mangasahon jala patupahon i ala ni holong ni Tuhan i na naung tajalo. Ai marhite partamueon na tangkas boi, do botoonta kadar ni ngolunta, manghamauliatehon denggan basa ni Tuhan i, ala jotjot do i so sian panagamonta.
Di tonga ni pangalaho ni torop jolma na holan sumarihon diri dohot na ringkot di dirinabe, naeng hehe ma ruas dohot parhalado ni huria mangaramothon partamueon di tonga keluarga, asa angka na ro mangebati bagasta, huta manang luatta ndang mabiar siala na so adong na sumarihon nasida. Halak dagang, pangaranto dohot na sarombang tusi tajangkon dibagasan partamueon na denggan. Ala di surat Heber tung tangkas do didok “ Unang halanggushon hamu partamueon; ai marhite sian i hea do ditamuei halak angka surusuruan, so sian pamotoanna (Heber 13 : 2). Alani tangkas ma hita manghangoluhon i songon tandanta manghaposi Tuhan i di ngolunta ganup ari. Amen.

TURPUK : 3 MUSA 23 : 22
Molo digotil hamu parbue ni tanomuna, ndang jadi suda gotilonmuna duru ni haumamu, jala ndang jadi suda jomputonmu na marpisikpisik di panabianmuna, ingkon tinggalhononmu do i di halak na pogos dohot di halak dagang; ai Ahu do Jahowa, Debatamuna i.
HATORANGAN :
Pesta gotilon ima sada pesta las ni roha ni halak na naung simpul manghalashon parbue ni hauma dohot ladangna. Alai hatiha ulaon las ni roha on dipatupa, naeng do tangkas pandohan ni BE 373 “mangula hita jolma manabur boni i, alai anggo jadina di Debata do i” na marlapatan Debata do na mangaramoti huhut pasauthon tulus angka na tasuan di ganup hauma dohot ladangta i, alani tangkas do pasahatonta patumonaan ni na taula i tu adopan ni Debata ala sian Debata do i. Laos marhite angka na naung tajalo i sian Debata, i do muse pangkeonta laho patupahon ulaon asi ni roha di angka na patut siasian. Tapargunahon ma na patut di ngolunta jala unang sanga marlobilobi (ambolong so marlapatan). Tapasahat ma tu Debata na patut sipasahatonta, unang taparsoada angka na naung tajalo sian Debata.
Tangkas ma naeng dohonon ni turpuk on, marhite hita na naung manghilala denggan basa ni Tuhan i, asa tangkas hita mangurupi dongan na gale dohot na patut siurupon. Sosososo na pinasahat ni Debata marhite turpuk songon kewajiban ni na porsea do asa tung tangkas mangurupi na mauas dohot na gale, asa tung sude na tinompa Debata do marmuduhon ngolunta. Amen.

TURPUK : GALATIA 6 : 2
Masiurupan ma hamu mamorsan angka na dokdok i; i ma dalan mangaradoti patik ni Kristus.
HATORANGAN :
Adong pandohan na mandok “berat sama dipikul ringan sama dijingjing”. Sintong do tutu pandohan i, boha pe borat ni angka siulaon molo adong do kerjasama (masiurupan) tulus do ulaon i dohot dengan jala neang. Jala i do naeng tangkas hangoluhonta sian turpuk sadari on, ima masiurupan (kerjasama). Ala masiurupan ima dalan mengaradoti patik ni Kristus. Boasa ? Songon halak siihuthon Kristus (Kristen), lam jonok hita tu Tuhan i lam jonok do tong angka hamaolon (tantangan iman) na ingkon siadopanta, songon HataNa na mandok “ndang tarbahen gabe siseanHu halak, na so manuhuk silang na tu ibana, laho mangihuthon Ahu”. Alai atik pe songon i rupani borat ni tantangan dohot angka pangunjunan, ndang loason ni Debata, jolma i sahalakna sandiri, ai didok do “ Sai na donganKu do hamu, rasirasa ro ajal ni hasiangan on”. Ai sai na adong do patupaon ni Debata pangurupion sian angka na porsea na asing. Jala muse ndang loasonna boti, ndang margogo hita mangadopi pangunjunan i, ai sai na paradeon ni Debata do angka na porsea na asing laho mangurupi hita. Jala memang pangunjunan i, ndang pasahathon ni Debata, so sian tolap ni gogonta (jaha 1 Korint 10:13). Alani marhite turpuk on, naeng tangkas hita masiurupan di angka na porsea di Goar ni Tuhan i, laho mangurupi dongan na tongon mangadopi hamaolon, ai dipangke Debata do hita gabe ulaulaNa. Amen.

TURPUK : HEBER 13 : 16
Alai unang ma lupa hamu, mambahen na denggan dohot mangulahon asi ni roha; ai dihalomohon Debata do angka pelean na songon i.
HATORANGAN :
Marasing di buku Heber on sian na asing, ala ndang marrumanghon surat alai marrumanghon jamita na ganjang di na dialamathon tu sude halak Kristen na porsea, jala pangondolan ni jamita i ima taringot tu Jesus Anak ni Debata. Jesus i ma malim na bolon na pinabangkit ni Debata ro di salelengnilelengna, jala dipasahat AmaNa I do hamalimon dibagasan haunduhon dohot pangoloion na sinangkapan ni Debata. Dipasahat do diriNa gabe pelean na sintong i ma na mamorsan dosa ni jolma di portibi on. Jotjot do tabege hata ni angka dongan mandok “ai holan di ujung ni ngoluniba pe binoto pasahathon diri tu Debata, ai tong do sahat i tu hasonangan i“. Godang do hita na naeng pasobokhon dirina, gabe sarombang dohot parjahat na marhamubaon ni roha songon parjahat na disamping ni Jesus di tingki tarpajal. Asi ni roha ni Debata i ma parbue ni holong, ala holong do rohana diangka na tinompaNa, alai ndang sai tarbahen ni jolma songon holong ni Jesus Kristus ala godang dope mian di ateate ni jolma holong na so marasi ni roha. Tuhanta Jesus Kristus dipelehon do diriNa homongkop angka dosa ni jolma, alai adong do na so ra roha na maniru pambahenan ni Jesus na olo pasahathon diriNa tu hamatean. Dison do disosoi turpuk on hita taparade rohanta mangalehon pangurupion tu angka dongan na tahaholongi, ulaon sisongon i do na pahinsathon haporseaon dohot pahehehon dongan asa lam mura mangantusi angka ulaonna. Marhite angka ulaon na memberi dohot manerima i ma sada ulaon na hinalomohon ni Debata, ai marhite i do diboto Debata beha do sasintong na hadirionta di angka na masihaholongan, na parjolo didok ndang ala ni balga ni sibahenon i, alai roha i do na pasahathon angka pelean na arga i do dibereng Debata. Antong di hamu angka dongan panjaha, gabe parholong ni roha ma hamu tu angka dongan na humaliang hita marhite si songon i do lam hinsat angka partondion ni jolma diboto paturehon hadirionna, asa jumpang tu ngolu na imbaru. A m e n

TURPUK : 2 KORINT 9 : 12
Ai ndada, asal dipatuk ulaon guguan on hahurangan ni angka na badia i; na sumurung do i huhut, ala ni hamauliateon ni na torop tu Debata.

HATORANGAN :
Dina lam torop huria i jongjong jala dina lam porlu angka pangurupion tu angka haporluan ni huria na marsadasada disi ma Apostel Paulus manongos surat on tu angka huria na rade rohana manumpahi huria na adong di Jerusalem. Huria na situmpahan i, i ma na dibagasan hapogoson, na so mardihadiha. Mangurupi angka na badia i ma mangalehon na ringkot tu angka dongan Kristen, angka na badia i ma angka bangso ni Debata naung gabe siihuthon Jesus. Dibahen Apostel Paulus do huria na di Korint gabe sada huria tiruan tu angka huria na marsadasada. Sada sitiruonta sian i ima harenteon nasida manumpahi angka huria na naeng situmpahan. Adong do hasurungan ni na marsilehonlehon tu Huria. I ma, ia silehonlehon tu huria i hamauliateon tu Debata do. Sumurung do silehonlehon na songon i, ai molo na songon i ndada na tu halak na asing, alai dohot do tu dirina, songon i dohot tu Debata. Ala ni patut do rajuman gabe sada guguan, jala ndang ala ni paksaan alai sian dirina sandiri do i, I ma parbue ni haporseaon manang hamauliateon tu Debata. Nunga tahangoluhon marsiurupan, alai unang ma alani na marsiadapari, patut do hita mangurupi angka donganta asa malua sian haotoon, ala dasor di pangurupion i do holong ni roha. Rajuman ni rohanta do ia na tapasahat tu huria i ma pelean hamauliateon tu Debata jala ndang jais rohanta disi, jala ingkon sian ias ni rohanta do mangalehon manang manumpahisa. Alani patut paradeonta rohanta dohot gogonta tu Debata marhite huria i. Tugas jala tanggungjawab ni na porsea do marsibasabasa, ai pasupasu ni Debata do na tapasahat i. Molo dipasupasu Debata hita asa habaoran ni pasupasu hita tu donganta “Hupasupasu pe ho, asa gabe pasupasu do ho” (I Musa 12). Amen

TURPUK : ULAON NI APOSTEL 1 : 8 B
Gabe sitindangingku ma hamu di Jerusalem dohot di sandok Judea dohot di Samaria, sahat ro di ujung ni tano on.
HATORANGAN :
Pangalaho na so tarsirang do hatutubu dohot haroro ni tondi parbadia, ia hatutubuNa i ma pamungkaonna, haroroNa i ma hasunanna (hagogokna). Singkop ma ulaon panghophopon ni Tuhan Yesus pinatupaNa i marhite hamamateNa dohot haheheonNa dung i dipatupa i manaek ma Ibana tu banua ginjang. Sai tong tu haportibion laho roha dohot pangkirimon ni angka sisean I sai dihirim roha nasida dope hajojong-jong ni sada harajaon sipajongjongon ni Tuhan Jesus diportibion. Alai dipasintong Tuhan Yesus do pangkirimon nasida jala dipatimbo, dipabidang na ingkon siranapon nasida, lapatan na harajaon na andul umbolon, tumimbo jala umbidang do nanaeng sipajongjongon ni Tuhan Jesus, ai dang holan di Israel harajaon I, disandok portibion do. Hananaek ni Tuhan Jesus tu banua ginjang I ma pasalpuhon haporsuhon naung tinaonNa I do I, nungga sun di ula Ibana sude ulaonNa, patupahon haluaon tusaluhut namanghaporseai Ibana. Mangalehon gogo haporseaon do I di angka jolma naporsea mardongan habengeton mamaritahon barita nauli.Hamumulakna tu hasanganponNa do hananaekNai,manaek tu banua ginjang tu siamun ni Debata Ama, tu ginjang ni harajaon dohot huaso.Herbang do tanganNa di natarhissat I Ibana jala dang boi be di ida mata, alai sai tontong do Ibana mamasumasu hita, ala ni do unang namarnaloja hita jala mandate rohanta dipangaradotion ni ulaon napinasahatNai. Hita do parhobas diharajaonNa, siradotan jala siharingkothonon do ulaon I, tondi parbadia do napatauhon hita tu ulaon I, sijaloonta do tondi parbadia I marhite haradeon ta dohot kesetiaan ta mangaradoti hata/tonaNa.Alani rade ma hita manghirim jala tagam diharoroNa I laho mangalap angka nabadia asa naposo haposan hita diangka ulaon parsuruon i.. Amen.

TURPUK : 2 TIMOTEUS 4 : 2
Jamitahon hata i, hajongjongkon di tingki na une nang so une; pinsang, paingot, apoi marhitehite nasa lambas ni roha dohot pamodaion.
HATORANGAN :
Adong do hata na mandok: Banyak berbuat adalah pahala, banyak berbual adalah petaka. On ma na godang tarida di tingki on di angka parjamita. Boasa? ingkon godang nama mangkatai “berbual” asa didok na jago, na malo jala parsaor, lumobi ma molo na ni donganan na i na mora manang disegani di luat i gabe godang ma dapot silehonlehon. Manang tadok ma mammon nama gumodang dipingkiran ni angka parjamita gabe gumodang na lupa di poda Tohonan naung jinalona ala nunga boi be diatur dohot mamon jala mabiar hinorhon ni angka silehonlehon naung jinalona. Turpukta sadarion paingothon hita angka parhalado naung pinillit ni Debata asa ingot hita dipoda Tohonan naung tajalo, ingkon barani manghajongjonghon Hata ni Debata di ganup tingki molo sala tadok sala songon i nang sebalikna. Songon i do na adong di sada Huria ala so hea dipinsang angka ruas ni huria ala ni ulaonna na salah, mansoadahon RPP dohot aturan-aturan ni Huria gabe marlomolomo ma angka ruas di angka ulaon na so tama. Parmahan ingkon barani manghajongjonghon habonaron di ganup tingki tung aha pe na masa jala marhitehite habonaron i ingkon rade mamodai dibagasan lambas ni roha. Barani mangadopi tantangan, siap manjalo uhuman, ndang mandele jala manabunihon angka na humurang, i do hataridaan ni anak ni Debata naung manjalo ngolu na imbaru. Taingot ma hata ni Debata namandok: ”unang hamu pangoloi di mata, songon namambuat roha ni jolma, songon naposo ni Kristus ma ulahon
hamu roha ni Debata, sian nasa roha muna”. Amen
TURPUK : 1 TESSALONIK 2 : 2
Ai dung jolo huta on hami na marporsuk dohot na marsipal di huta Pilippi (songon na binotomuna), dapotan hiras ni roha do hami mangasahon Debatanami laho mangkatahon tu hamu barita na uli na sian Debata, nang pe godang paraloon
HATORANGAN :
Sada ulaon na mansai borat do dihadirion ni jolma molo olo ibana manaon di haporsuhon lumobi mamaritahon barita nauli. Jarang do jolma olo susaan dirina laho mamboan hasintongan ni Goar ni Debata. Mat 5 : 10 mandok: ”martua do jolma napinaburuburu ni halak ala ni hatigoran, ai di nasida do harajaon banua ginjang”. Tangkas do dihatahon Apostel Paulus asa holan Debata sambing ma na tapangasahon di gulmit ni ngolunta, lumobi mambaritahon Barita Nauli. Marragam do angka cara na binahen ni parbarita nauli lumobi di partingkian sisaonnari on. Na bermissi pasahathon Hata ni Debata, ingkon do marhitehite pangidoan na serep marroha, unduk manjalo hiras ni roha, asa margogo jala barani hita manjamitahon Hata i, dijolo ni angka na so marhaporseaon tu Jesus. Ingkon barani do hita manghatindanghon Jesus i di hadirion ni jolma angka pardosa. Asa pos rohanta, ulaon na borat i sai diramoti, dipasu-pasu Debata do i. dibagabagahon do haluaon molo Debata tahaposi marhite Jesus Kristus . Didok Apostel Paulus do di Rom 8 : 31 “molo Debata donganta ise be alonta ?” Antong tatangkasi ma dirinta ise do na tahaposi di portibi on? Molo Debata do, dapotan ma hita di hiras ni roha, alai molo di dirinta do hamagoan ma jaloonta. Amen.

TURPUK : MATEUS 10 : 7
Alai borhat ma hamu mamaritahon hata on: Nunga songgop harajaon banua ginjang i!
HATORANGAN :

Ndang hea dipasombu Jesus angka na sinuruNa borhat boti, so padohot pandonganionNa. Jala andorang so dipaborhat Jesus angka siseanNa i, nunga jumolo diajari nasida, asa diboto angka dia ma na naeng siulaon jala sitagamon nasida na naeng masa. Angka tehnis ni ulaon pe dipabotohon Jesus do songon na tarsurat di Matius 10 :16 “Hu suru do hamu songon biru-biru tu tonga-tonga ni angka babiat, dibahen i pantas ma hamu maroha songon ulok, huhut lidang ma rohamuna songon darapati”. Asing sian i dilehon Jesus do tongtong sahala asa margogo nasida mangalo angka tondi na hodar jala patupa ulaon hombar tu parsuru ni Jesus. Antong aha do na naeng baritahonon nasida? I ma : ”Nunga songgop harajaon banua ginjang i” na marlapatan nunga songgop harajaon ni Debata. Harajaon ni Debata naung songgop i marlapatan do i tingki nauli nunga songgop, tingki ni Tuhan i manaluhon harajaon ni sibolis di portibi on. Tingki nauli i ima silehonlehon ni Tuhan i, asa marhite sian i naeng ma ringkot ganup jolma paradehon dirina tu hamubaon huhut porsea dipambahenan ni Debata. Hita do siboan Barita Nauli ditingki on asa ndang jadi “opini” manang pandangan ni dirinta sandiri sipasahatonta alai ingkon naung tajalo sian Ibana do. Antong tapajolo ma Debata na marsuru hita. Amen

TURPUK : JOHANNES 15 : 26 – 27
Asa ro ma Pangondian i sisuruonku sian Ama i tu hamu, i ma Tondi hasintongan i, na borhat sian Damang; I do na mangkatindangkon taringot tu Ahu. Alai dohot ma hamu mangkatindangkon, ai donganku do hamu sian mulana i.
HATORANGAN :
Ndang adong alasan di ganup na porsea so manghatindanghon Tuhan Jesus di bagasan ngoluna. I do sada ulaon pinasahat ni Tuhan Jesus tu hita, jala tumangkas ulaon i dipasahat tu hita marhite huria i ditingki manghatindanghon haporsean hita.
Molo dipangido Tuhan Jesus hita manindangi taringot tu Ibana, ima patuduhon naung tangkas tatanda Ibana, tangkas tapangkilalahon angka pambahenanNa di bagasan ngolunta. Hurang sintong do panindangion molo so ala panandaon di Tuhan i dohot pamangkilalahononhon di angka pambahenanNa di ngolunta.
Umbagas jala umbalga sian i ma pangulaon ni Tondi Parbadia i na sinuru ni Ama i sian banuaginjang naung manghatindangon taringot tu Ibana. Alani molo Tondi Parbadia na sian Banuaginjang manghatindanghon Ibana nda patut ma hita ingkon manghatindangkon Ibana? Jolma na so olo manghatindanghon Jesus dingoluna, ima na so mangargahon panjouon dohot pamiliton ni Debata tu dirina, na so manghilalaon dohot mananda pambahenan ni Debata dingoluna. Molo tahatindanghon Tuhanta i, ndada holan mangatupi parenta hita disi, alai na maniru pngulaon ni Tondi Parbadia ido hita disi. Dibahen i hatindangkon ma Tuhan i disandok gulmit ni ngolum. Amen

TURPUK : MARKUS 8 : 35
Ai na naeng paluahon hosana, mangagohonsa do; alai na agoan hosa ala ni Ahu dohot ala ni barita na uli i, i do paluahonsa.
HATORANGAN :
Adong do hata Batak mandok: Nirimpu parhunian hape pargadongan, nirimpu parsaulian hape hamagoan. Pandohan on pataridahon pangalaho, pambahenan na sala memprediksi di parbue dohot hasil na naeng sibuaton manang sijaloon.
Hombar tu pandohan i ma dipaingot turpuk on hita asa unang sala hita mambahen ojahan (dasor) ni ngolunta. Torop do halak naung mangojakhon (mandasorhon) ngoluna tu angka pasupasu ni Debata na jinalona manang na niluluanna (isara ni arta, pangkat, sinamot, ilmu dohot na asing), ndada be tu silehon pasupasuu i. Pangalaho on do na pininsang ni Tuhan Jesus tu halak na mora naung yakin bahwa marhite arta na pinapunguna boi lestari ngoluna, umbahen didok: Ale tondingku, nunga rade godang artam, sae manang piga taon on. Ipe marhasonangan ma ho, mangan minum ma ho, las ma roham. Alai ninna Debata ma mandok ibana: E, ho na loahon i saborngin on tungguon ma hosam sian ho. Ima na pinarademi, tu ise ma i? (Lukas 12:19-20).
Marhite i dipaingot do hita, asa tabahen holan Jesus do na gabe ojahan ni ngolunta. Molo Jesus gabe ojahan ni ngolunta, mangolu ma hita. Alai molo asing sian Ibana diujungna mago jala mate ma hita. Molo dilehon Debata angka pasupasu (hamoraon, hagabeon, hasangapon) tu hita dalanta (sipangkeonta) ma i laho mangalului, mangihuthon, manghaporseai Tuhanta i. Unang sala bahen ojahan ni ngolum. Amen

TURPUK : LUKAS 12 : 23
Ai ummangat do hosa sian sipanganon jala sumurung do daging sian parabiton.
HATORANGAN :
Jotjot do tajaha disurat kabar manang tabege marhite siaran sian televisi adong halak na mamunu donganna holan ala ni sipanganon, ala ni arta manang ala ni hepeng. Angka halak sisongon on termasuk do i jolma na mambahen angka materi ummangat (ummarga) sian hosa (ngolu) ni jolma, manang jolma na sai holsoan jala na so porsea dipanarihon ni Debata dingoluna.
Jolma sisongon on ima halak na mangarimpu molo nunga rade sipanganon, siinumon, parabiton nunga boi i manontuhon keberadaan ni parngoluon i. Lupa ibana bahwa ngolunta saguru di Ibana (Tuhan) silehon ngolu i.
Halak na mambahen arta, sinamot, sipanganon, parabiton manang arta na di portibi on, ummarga sian hosa, pamatang nang ngolu on, ima halak na so manjaga dirina, na so mangargai dirna dohot ngoluna, jala ndang arga disi nang ngolu (hosa) ni donganna. Ndang mabiar ibana laho patupa kekerasan bahkan mamunu (mambuat hosa ni) donganna.
Molo didok diturpuk: “Ai ummangat dohosa sian sipanganon, jala sumurung do daging sian parabiton.” Laho mangajari dohot paingothon hita do i asa taargai ngollu ma ni lehon ni Debata. Molo arga di hita ngolu na nilehon ni Debata jagaan do i marhitehite pasupasu (sipanganon, siinumon, parabiton dohot angka na asing) na nilehon ni Debata. Amen

TURPUK : 1 TESSALONIK 4 : 13 – 14
Alai naeng ma tangkas botoonmuna, ale angka dongan, taringot tu angka naung monding i, asa unang marsak hamu, songon angka na leban, na so marpangkirimon. Ai molo porsea hita, naung mate Jesus dohot hehe, sandok togihonon ni Debata do rap dohot Jesus nang angka naung monding marhitehite Ibana.
HATORANGAN :
Masuk ma hita tu ujung taon parhuriaon, jala dungkon i masuk ma hita tu mingguminggu ADVENT, bagabaga haroro ni sipalua Jesus Kristus. Di minggu on diganup huria dijahahon ma goar-goar ni angka na monding selama na sataon on. Dibohali hata ni Debata do hita di minggu ujung taon parhuriaon on, i ma asa tangkas ma botoonta taringot tu angka na monding, unang be marsak hita marningot i (molo adong sian tongatonga ni keluarganta na monding). Alai naeng ma hita marpangkirimon, porsea tu Tuhan Jesus ala naung mate Ibana jala hehe. Taingot ma Tuhan Jesus Kristus do hangoluan dohot haheheon (Joh.11:25-26) jala ganup na mangolu jala na porsea tu Ibana, na so tupa mate ibana salelenglelengna.
Hamatean na nidok ni Jesus ndada hamatean di pardagingon alai lobi sian i, hamatean ni dosa do naeng dohononNa. Na porsea di Ibana mate dipardagingon, alai mangolu do di Tuhan Jesus. Saleleng mangolu hita mansai godang do angka masalah na taadopi. Haporseaonta jojot diuji Debata, olat ni dia do hita mampu berjuang mangalo dosa. Manang ise na monang maralohon dosa hangoluan salelenglelengna i ma jambarna. Ala ni i tapaimbaru ma dirinta, tapauba pangalahonta, jala porsea ma hita tu Debata. Hamatean i do dalanta pajumpang dohot Debata molo dung monang hita maralohon dosa portibi on. Amen

TURPUK : LUKAS 12 : 35
Sai hohos ma gontingmuna, jala galak ma palitomuna!
HATORANGAN :
Roha haimbaruon, i do na dihalomohon ni Debata sian hita jolma na tinompaNa. “Dungo ma hamu” dipaingot hita diturpuk sadari on ; 1. Hohos ma gontingmuna. Hohos (ikat pinggang) mansai godang do na mamangkeon, tujuanna asa unang longgar pahean na pinangkena, asa gomos jala asa uli idaon. I do dipangido Debata asa tapangke hohos na sian Debata, Ibana hasintongan dohot habonaran marhite haporseaonta. Unang be kendor haporseaonta tu Tuhan Jesus Kristus alai lam marsihohot ma asa boi hita maralohon parukilon, angka parsorion na di portibi on; 2.Galak ma palito muna. Molo didok palito, i ma inganan ni hatiuron (api), jala sude do mangharingkothon on. Lilin na memet mansai penting do i ditingki mate lampu, lilin na balga jala na uli ndang penting i di hita jolma di tingki suasana na torang, galak ma palitonta, gabe lilin na memet ma hita alai sude mangharingkothon. Na nidok disi, gabe pasu-pasu ma hita tu humaliang. Mamboan haholomon i tu hatiuron marhite palitonta. Tapagalak ma palitonta, tapatiur dalanta, ai torop dope na lilu asa sai hatop ma mulak i. Marsihohot tu Debata ma hita, manontong martangiang jala hatiuron dina holom. Asa songon na nidok ni Tuhan Jesus ”Hamu ma panondang ni portibi on”. Taulahon ma i marhjite ulaonta siganup ari, marhite parsaoranta tu dongan jolma dohot angka na tinompaNa tarlumobi ma tu Debata Amen

TURPUK : 2 TIMOTEUS 4 : 8
Diri nama di jolongku tumpal hatigoran, silehonon ni Tuhan, Paruhum na tigor i, di ari sogot i tu ahu; alai ndada holan tu ahu, tu saluhutna do tahe, angka na mangkaholongi hapataronna i.
HATORANGAN :
Molo laho hita tu sada inganan na so hea tadalani, ingkon talului do sada jabu ni keluarganta di huta i. pasti do talului jolma na umboto inganan i asa ibana patuduhon inganan na talului i. Songon i ma nang haporseaonta, dina mardalan hita di portibi on talului do Tuhan Jesus jala tabahen Ibana dijolonta. Asa marhite Ibana patar ma saluhutna pardalananta. Ala Ibana do paruhum na tigor jala sian Ibana do tumpal hangoluan i. Tu saluhut angka na mangkaholongi Ibana dipatuduhon hapataranNa, I ma ngolu na salelenglelengna. Molo naung porsea hita tadok ma “Huboto do Tuhan tangkas panoguonma diiringiring Ho do langkangki, sahat ro diujung ni pardalanku”. Dipapatar Debata do taringot Kristus na tubu di portibi on na paluahon hita sian dosanta i ma dimingguminggu ADVENT.
Ala ni i rade ma hita paimahon Ibana sipalua hita jolma, mangolu dibagasan holong ni Kristus ma hita, marhaimbauruon. Debata do di jolongku tumpal hatigoran jala paruhum na tigor. Nunga rade ahu Tuhan ro ma Ho tu ngolungku. Amen

TURPUK : PSALM 31 : 6
Tubagasan tanganmu do hupasahat tondingku, nunga ditobus Ho ahu, ale Jahowa, Debata ni hasintongan i.
HATORANGAN :
Godang do jolma madabu tu bagasan pandelean, pola sahat tu na mago haporseaonna alani borat ni parungkilon na rongom tu ngoluna, hinorhon ni angka parsahiton, pangunjunan nang sian angka dongan na humaliang. Jotjot do jolma na mangadopi hamaolon i sala mamillit dalan sidalananna, ala parjolo gogona dipangasahon gabe madabu tu pangunjunan.
Alai marhite turpuk on dipangiot do hita angka na porsea asa parjolo ma tapasahat tu Debata sude na masa di ngolunta. Songon Parpsalm na pasahathon sude parungkilon dohot hamaolon na rongom tu ngoluna tu Debata di bagasan tangiang. Dipasahat Parpsalm sude na borat di ngoluna i tu Debata, alani haporseaonna tu Debata na sai tongtong manangihon jala mangalusi nasa alualu dohot tangiangna. Dirajumi ibana do paboa na partigor do Debata, na membela nasa perkara ni angka na bonar marroha maradophon musu. Pangarajumion tu haluaon na binahen ni Debata i ma na mangarahon Parpsalm manghatindanghon paboa na tongtong do satia Debata, jala holan sian Ibana do jumpang pangurupion.
Alani songon siihuthon Kristus hita, ndang tarsirang ngolunta sian angka parungkilon jala tusi do hita tarjou, manjalo bagian di sitaonon ni Tuhan Jesus naung manghophop hita sian dosa. Parungkilon dohot hamaolon i do siporsanonta hinorhon ni haporseaonta tu Tuhan Jesus. Di bagasan ni i taingot ma, nunga parjolo Ibana mamorsan sitaononta. Dibahen i holan sian Tuhan Jesus Kristus ma tajalo hagogoon asa margogo hita mamorsan nasa parungkilonta i, ai Ibana do nampuna ngolunta. Amen.

TURPUK : JESAYA 12 : 1
Jadi dohononmu ma di ari na sasada i: Mauliate ma ahu tu ho, ale Jahowa, ala dirimasi ho ahu, alai nunga marpamuati rimasmu, jala nunga diapuli ho ahu.
HATORANGAN :
Turpuk on pasahathon pujipujian (doksologi) tu hamuliaon ni Debata di sude sangkap dohot nasa pambahenanNa. Pamujion on dipasahat sian panandaon na tangkas di Debata, nang pe lalu rimas ni Debata tu bangsoNa alai tontong do marasi roha Ibana marnida na ni rimasanNa i marhite pambahenanNa na mangalehon haluaon dohot pangapulion. Pamujion on ima sada sikap na mansai uli sian pangarajumion di pambahenan ni Debata na mangonjar ibana mamuji di bagasan roha mauliate tu Debata.
Marhite i naeng ma tangkas botoonta, paboa parasi roha bolon do Debata lambat tarrimas. Sai marpamuati do rohaNa tu angka na olo mangauhon jala na olo porsea tu nasa pambahenaNa. Tagamon, hona uhum do nian hita ganup ala ni pardosaonta. Alai, ala umbalga do asi ni roha ni Debata sian rimasNa, gabe malua hita taruli di pangapulion sian Debata marhite haluaon i. Nuaeng holan Debata na ma hagogoon, panghirimon dohot hangoluon di hita.
Pardenggan basa do Debata naung mangontang hita minum sian aek hangoluan, na nilehonNa tu hita secara cumacuma, na so pola martuhor (Pat. Jes. 55:1). Antong, tapuji ma Debata pardenggan basa i, na mangalehon tu hita haluaon jala manglolu ma hita hombar tu haluaon naung tajalo i, asa marhite ngolunta tarjou nang dongan na humaliang hita mamuji Debatanta i. Amen

TURPUK : 5 MUSA 3 : 24
Ale Tuhan Jahowa! Nunga tutu dipungka Ho patuduhon tu naposom hatimbulonmu dohot tanganmu na gogoi; ai tung Debata dia ma di banua ginjang manang di tano on na tarbahensa patupahon songon jadijadianmi dohot songon hagogoonmi?
HATORANGAN :
Parsaoran na ronsot dohot Debata ndada holan mamboan jolma i tu bagasan ngolu na sonang taruli pasupasu dohot las ni roha, alai laos taruli do nang di panandaion na tangkas di Debata marhite na manghilalahon sude pambahenan ni Debata di ngoluna. Tarida ma i sian panindangion tu Debata, songon na di turpuk on. Asa holan sian panandaon na tangkas do marharoroan panindangion na songon i ; manghatindangkon hatimbulon ni Debata naung pinapatarNa di ngoluna. Alana, torop do jolma nuaeng na so haru mangargahon dohot manghilalahon be denggan basa dohot pambahenan ni Debata di tongatonga ni ngoluna. Ala memang ndang adong panandaon na tangkas di Debata. Manang aha pe na masa, pasupasu, las ni roha ndang tung dirajumi sian dia do harroan ni i. I do asa jotjot jolma i, sai mangasahon gogona di na mandalani parngoluonna siganup ari.
Asa marhite turpuk on dipaingot do hita na porsea di Jesus Kristus sipalua i paboa na holan Debata nama hagogoonta, ai Ibana do paluahon hita marhite tanganNa na gok huaso i. Na so tarjalo hita haluaon, na songon haluaonta nuaeng, sian manang ise pe, ia so holan sian Debata marhite Jesus Kristus. Alani, sai tahatindangkon ma hatimbulon ni Debata naung pinapatarNa tu hita di tongatonga ni parngoluonta siganup ari, jala holan tu Ibana ma hita marhapurusan di tonga ni ragam ni hamaolon na taadopi di ngolu on. Ndang adong Debata na songon Ibana. Amen.

TURPUK : HOSEA 3 : 5
Dung i di laonlaon ni ari mulak ma halak Israel, jala luluannasida ma Jahowa, Debatanasida i dohot * si Daud, rajanasida i jala angka hitir nasida * mandapothon Jahowa dohot hatuaonna di ujung ni angka ari.
HATORANGAN :
Taboto do ia halak na tarbuang ima halak na dao sian Debata ndang be Debata na mangarajai ngoluna, alai nunga be nasida mardalan hombar tu lomo ni rohana. Di tingki bangso i manuntun lomona gabe bangso na tarbuang do nasida jala gabe bangso hatoban do nasida. Lomo ni roha ni jolma na mangarajai jala bersiap ma nasida disi ndang adong ngolu na merdeka, lam dao ma nasida sian Debata jala angka sibolis nama mangisi ngoluna. Tarbuang nasida jala gabe bangso hatoban nasida siala pangalahona na maralo sian pangidoan ni Debata, tarrimas Debata tu bangsoNa i siala nunga ndang dipardulihon nasida be angka bagabaga dohot angka panurirang na paingoton bangso i terbuang ma nasida tu bangso na hebat tu Babel, Assur. Penyesalan na umbalga i do na naeng tabereng sian turpuk on, sian i diboto Jahowa na ingkon mulak do bangso i manopot Ibana.
Mulak do nasida di bagasan angka hitir jala dilului nasida Debata na setia maradophon bangsoNa. jala i do na pinangido ni Debata “Tu saluhut halak na tarbuang mulak ma ho tu Debata“ . Songon i tong di pangido Debata sian hita, unang be paima tingki, mulak ma saonari tu ulaoni Debata. Songon halak na tarbuang do hita, molo so Debata be manguluhon hita alani Dosa gabe tarbuang ma hita. Turpuk on mandok “Molo mulak hita tu Debata gabe Debata na mangulahon ngolunta jala masa ma asi ni roha ni Debata tu hita. Alani selagi ada kesempatan mulak ma hita tu Debata di paima do hamumulakta. Amen
TURPUK : 2 KORINT 4 : 6
Ai Debata, na mandokkon marsinondang hatiuron i sian haholomon i, Ibana do patiurhon rohanami, pabinsar parbinotoan di sangap ni Debata, na di bagasan bohi ni Kristus i.
HATORANGAN :
Di sejarah panompaon ni Debata di portibi on dohot nasa isina, taida do gogo dohot huaso ni Debata marhite hataNa laho manjadihon saluhutna. Di 1 Musa 1:3 didok: ”Dungi mangkuling muse ma Debata ninna : jadi ma ho na tiur, jadi tiur ma tutu”. Sian Debata do haroroan ni hatiuron i. Na manondangi saluhut portibi on. Suang songon i nang manondangi ngolu ni jolma. Sipata do holom panghilalaanta ala ni angka na masa di ngolunta. Olo do i ala ni angka godang ni sipingkiran dohot sisarihononhon ditongatonga ni keluarga. Boi do ala ni angka tuntutan ni angka ianakhon di parsikolaan. Boi do ala ni angka persoalan di angka ulaonta si ganup ari. Gabe sipata olo ma holom parnidaanta. Alai mardonganhon Debata sai na patiuronna do di hita dalan dohot angka na tasangkapi. Laos ima na paingot ni apostel Paulus tu huria Korint di turpuk on : “Ai Debata, na mandokhon marsinondang hatiuron i sian haholomon i, Ibana do patiurhon rohanami, pabinsar parbinotoan di sangap ni Debata, na dibagasan bohi ni Kristus “. Marragam angka na masa diadopi nasida, gabe mambahen nasida marsak jala mandele. Alai diadopi Apostel Paulus mangalami na songon i. Alai diparhatopot Apostel Paulus pangurupion ni Debata. Disondangi asi ni roha ni Debata do ibana mangadopi ragam ni angka sitaonon na masa tu ibana. Panindangion i ma naeng jumpang di huria Korint laho mangadopi ragam ni na masa di pardalanan ni ngolu nasida. Marhitehite haporseaon nasida na marsihohot tu Debata di bagasan Jesus Kristus naung manghophop nasida. Ibana do na tuk patiurhon roha dohot pingkiran ni sandok manisia na tongtong manghatindanghon hagogoon ni Debata.
Hita pe naeng ma songon i, tajalo ma hatiuron na sian Debata, lao manorangi rohanta na holom i asa tau hita marpanindangion di adopanNa, jala boi taulahon hombar tu lomo ni roha ni Debata. Amen.

TURPUK : SAKARIA 9 : 9 B
Ida ma, na ro ma rajam tumopot ho, partigor ibana jala siparmonang; na serep do rohana jala marsihundul di halode dohot di anak ni halode inaina.
HATORANGAN :
Bagabaga haroro ni Raja i manang Messias i nunga dilumbahon panurirang Sakarias tu bangso Israel, asa tongtong marsihohot jala manghaporseai Debata nasida. Naeng ma nian gomos nasida manghaporseai Debata asa tongtong nasida bertahan saleleng maradophon bangso na adong dihumaliang nasida siala na ingkon didongani Debata do angka bangso na mangasahon gogo ni Debata dohot na mardalan di bagasan hatigoran dohot habadiaon. Bagabaga ni panggomgomon hadameon ni na pinarbaga ni Debata di Sion tangkas do di paandar panurirang Sakarias di turpuk on. Debata sandiri do manopot bangsoNa marhite haroroan sada raja laho patuluson sangkap ni Debata. Raja na mamboan hadameon huhut paluaon angka na tarhurung. Raja partigor, siparmonang jala marserep maroha ima hasurungon ni Raja i sian raja na asing di portibi on. Haroro ni raja i hundul di atas halode dohot marpahean na sederhana. Haroro ni Raja i patuduhon hidup yang sederhana, jala harorona i mamboan haluoan tu sude lapisan hidup tanpa ada perbedaan. Marhite turpuk on dipaingot do hita nunga boha pangaradeonta laho manjangkon haroron i Raja i. Membuka diri i ma dalan manjangkon Raja i jala mamelehon diri asa gabe inganan ni Debata. Alani i tadasiphon ma pangaradeonta manjangkon Raja i sipalua i. Bongot ma hita tu ngolu habadiaon na hinalomohon raja i. Jala tapalendes ma dalan di Raja i ima Jesus Kristus Sipalua i marhite hamubaon ni roha sian angka hadosaonta dohot pardenggananta
tu Debata. Selamat menjalani Advent. Amen.